Intratenimёnt bel assá!
Le campionat se röia cun na segra de goi: 5-2 le resultat.
Tla ultima partida dla sajun soga le Rina te ciasa cuntra la scuadra da Uttenheim. I patruns de ciasa ne á plü nia da perde y pro incomá da stlü jö le campionat cun na buna prestaziun te ciasa.
La partida mёt man cun le Rina che controlёia le jüch y pro da costruí aziuns da gol cun gran determinaziun. Mo pornan che i ghesć á la poscibilité, se porti in vantaje cun na bela aziun de scuadra. Püc menüc dedo ti garetel spo cinamai le secundo gol, portan le resultat sön le 2-0 do da manco co n chert d'ora de jüch. Mo i ladins ne la dá nia sö tan snel. Do da n valgügn de menüc röia Thomas H. t area, olache al vёgn destenü da n defensur aversar cun n intervёnt da temёi. Mo l'arbiter lascia soghé inant sciöche sce nia ne foss sté. La bona fasa dl Rina vá inant; püch dan la fin dl pröm tёmp se delibrёia Klaus P. dala defenjiun di aversars cun n movimёnt jenial, süa trata vёgn indere parada dal portir aversar, mo David H. é le plü asvelt de düc y mёt le palé te porta a portir batü. Tl ultim menüt dan la fin dl pröm tёmp se porta i ghesć sön le 3-1 cun n önescmetri, che castiёia la buna prestaziun di ladins tla pröma pert de jüch.
La secunda pert de jüch va inant cun n gran sbunf. I ladins desmostra atira de orёi se refá y röia insciö gonot pormez a porta. Do da na seria de ocajiun sciürades demez, garetel al 57' le gol dl 3-2; Stefan R. ciafa le palé al limit dl area, ne bazilёia nia codî y lascia pié ia n missil che ne ti lascia degöna chance al portir aversar. Mo cin menüc dedo él bele indo i ghesć che concretisёia. Da na trata dal ciantun salta n sogadú di aversars le plü alalt de düc y atoca naota la traversa y spo la rёi cun na trata de cé da na forza bestiale. Tla pert finala de jüch ne suzedel nia plü tröp, cina che i ghesć stlüj jö la partida a diesc menüc dala fin, cun le setim gol dl dé.

La sajun de terza categoria ne se röia nia tla miú manira por la formaziun da Rina, che á albü da se bate cun tröpes assёnzes y n numer de sogauds gonot dёr limité, mo á impó ciaré da dé le mascimo te vigni ocajiun. Insciö stlüj i ladins jö le campionat al sesto post cun 23 punc. L'US Rina rengrazia düc i fans por le sostёgn tratan chёsta sajun y ti aoda a düc n bun isté!

Rina-Uttenheim 2-5

Formaziun: 1) Michael Moling, 2) Thomas Huber, 3) Elias Gasser, 4) Alfons Facchini, 5) Manfred Promberger (dal 62' Michael Rungger), 6) Roman Gatterer, 7) David Clara, 8) Filip Ploner (dal 35' Stefan Rungger), 9) Fidelis Ploner (dal 76' Andreas Ferdigg), 10) David Huber, 11) Klaus Promberger

Alenadú: Karlheinz Pedevilla

 

Volksbank