Unsere Sponsoren

Canche ara ne ó nia ester

Na seria de ocajiuns falades castiёia le Rina cuntra la formaziun da Laiun
Do la devёnta tl derby ladin soga le Rina la nona partida de campionat cuntra la scuadra da Laiun. I ladins spera de mantigní la gran forma dles ultimes partides cina la fin dla pröma pert de campionat. Le ciamp da Laiun se presentёia te condiziuns precares. Dal pröm menüt inant él la scuadra de ciasa che desmostra de avёi plü segurté sön le terac de jüch. Do n chert d'ora de jüch garetel spo so pröm gol. N fal defensif ti deura les portes ai atacanc aversars, che bi susc dan le portir mёt le palé te rёi y se porta insciö sön le 1-0. Por odёi la reaziun di ladins ne él nia da aspeté cis di. I ladins röia defata ite tl jüch y se lascia odёi binbedo gonot dan la porta di aversars. Mo tröc fai individuai y pücia lucidité rovina n gröm de bones aziuns di ghesć. La maiú ocajiun dl Rina tla pröma pert de jüch é sön i pisc de David H., che mёt jö n palé alt y se oj, lascián la defenjiun de ciasa a mans ötes, süa trata ne atoca indere nia le spidl dla porta.
Le secundo tёmp mёt atira man cun na gran ocajiun por i patruns de ciasa cun na trata che atoca la stangia. Le spavёnt inizial se desmandrёsc te cört tёmp y insciö devёnta le Rina la scuadra che comana le secundo tёmp. I cambiamёnc tatics fej defata faziun: sön na aziun d'atach mёt David H. n bel palé t'amez, olache Andreas F. ti é da salté le plü alalt de düc y mёt le palé te porta de ce. Do le gol dl 1-1 crёsc spo la confidёnza di ladins dassёnn. Por la maiú pert dl secundo tёmp él ma plü öna na scuadra che soga. David H. röia ala fin de na gran aziun de scuadra cina dan le portir, madёr la conclujiun finala sgara. Dedô ne dörera nia di che l'arbiter castiёia i ladins conzedón n önescmetri dёr dübe. Les protestes di ghesć ne porta nia, y insciö mёt i patruns de ciasa a sёgn le gol dl 2-1. Gol falé, gol subí. Tl chert d'ora che romagn ess i ladins ciamo na sfilza de ocajiun por se refá, mo chёsc iade ne ora propi nia ester. Gnanca in superiorité numerica do l'espuljiun de n sogadú aversar ti é i ladins da mёt le palé te porta. Tla fasa de maiú druch se ciafa spo le Rina ciamó le 3-1 in cuntrapé a püc menüc dala fin, che stlüj definitivamёnter jö la partida.
Ataché por feter döta la partida ne basta nia: al contrar di aversars ne ti é le Rina nia da concretisé les ocajiun cheriades y subёsc insciö la pröma desfata sön le ciamp dla sajun. I ladins se soga ia l'ocajiun da se porté al secundo post y toma zoruch al cuarto post, cun 17 punc do 9 partides. (dc)

Laiun-Rina 3-1

Goi por le Rina: al 50' Andreas Ferdigg

Formaziun da Rina: 1) Manuel Huber, 2) Alfons Facchini, 3) Elias Gasser, 4) Hanspeter Rungger, 5) Lois Pedevilla, 6) Lorenz Rungger (dal 47' Roman Gatterer), 7) Manfred Promberger (dal 45' Michael Rungger), 8) David Clara (dal 45' Andreas Ferdigg), 9) Klaus Promberger (capitan), 10) David Huber, 11) Daniel Ferdigg

Alenadú: Karlheinz Pedevilla

Proscima partida: Rina-Perca, domёnia ai 3 de novёmber dales 14:30 a Rina

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank