Unsere Sponsoren

Batalia danter ladins

Le Rina se porta a ciasa la devёnta tl derby ladin cuntra la scuadra da La Val.
Tla otava partida de campionat éra finamёnter tan inant: al vёgn soghé le pröm derby ladin de terza categoria de chёsta sajun danter Rina y La Val sön le ciamp da Rina. Les döes scuadres ladines röia adalerch da dui scomenciamёnc de campionat dёr desvalis: i patruns de ciasa á metü man le campionat dёr bun, deperpo che i ghesć ne é nia ciamo stá bugn da arjunje dёr de bogn resultac. Scemia che les ghiranzes dles döes scuadra é ince dёr desvalies, pon se aspeté de vigni sort te chёsta indunada.
Dan da n bel numer de spetadus mёt man na partida che desmostra bele dal pröm menüt inant de ester dёr intensa. Intrames les scuadres ó se tó a ciasa i trёi punc a vigni cost. Do da n cört ecuiliber inizial desmostra i ghesć de ester la scuadra plü prigorosa tla pröma pert de jüch. La superiorité numerica tl zёnter dl ciamp gaujёia de gran problems por le Rina che ne ti é nia da soghé bun le palé. La Val ne á impó ne nia tröpes ocajiuns concretes, scemia che ai röia deplü co n iade daimpró ala porta di aversars. Al 20' menüt de jüch ti garetel spo al Rina na bona ocajiun da segné: do che David H. se â delibré de na sfilza de defensur pormez al ciantun, mёtel n bun palé t'amez, olache Daniel F. é bun da le mёt jö por Roman G. che bat le portir di ghesć Nathan M. cun na trata sёcia danter les iames fora. Do le gol mёt le Rina man da soghé miú co denant, mo impó ti é i ghesć suracé tla costruziun de jüch, dantadöt cun le capitan Stefan S. che cür na gran pert dl ciamp cun süa presёnza. Mo cun n cambiamёnt de formaziun é i patruns de ciasa bugn da se refá y da davagné cun le tёmp tres plü confidёnza te ciamp. Tl ultim menüt dan la fin dl pröm tёmp radoplёia le Rina le vantaje cun Klaus P. che mёt te porta le palé da na posiziun plü co defilada, consolidán insciö le resultat.
Do da n bel pröm tёmp vёgn les scuadres zoruch cun traverc desvalis: le Rina mёss ciaré da mantigní le vantaje, La Val indere mёss porvé da remonté i dui goi subís. Le bun posizionamёnt dla defenjiun de ciasa ne conzed prёsc degöna lerch ai aversars, che proa da moscedé les chertes cun l'inserimёnt de forzes frёsches. Le secundo tёmp indere é plücoater tles mans dl Rina, che se acontentёia de gestí le palé. Cun le passé di menüc crёsc ince le nervosism te ciamp. Insciö vёgn l'arbiter sforzé da trá fora cotan de chertes gheles tratan le secundo tёmp. Amesa le secundo tёmp risćia La Val dёr dassёnn de resté in inferiorité numerica: Paola V. abina Roman G. cun n intervёnt dёr violёnt te na iama, mo por le diretur de gara ne él nia le cajo da puní le defensur da La Val cun la mascima sanziun. N bun impat sön la partida di ghesć á l'inserimёnt de Simon C. che mёt le portir da Rina Manuel H. ala proa cun na trata da dalunc do na bona percusciun sön la fascia. I patruns de ciasa röia tla pert finala ciamo n iade dёr pormez al gol: n sotissura dan la porta di ghesć se stlüj jö cun le palé che röia te porta, mo l'arbiter â bele archité le jüch por n fal de n atacant dl Rina. Ti ultims menüc ne sozedel nia plü tröp. Cun le sciüre dl arbiter se porta le Rina a ciasa trёi punc dёr significatifs.
Do da na bela partida, döt ater co saorida, ti é la formaziun de ciasa da se porté a ciasa i trёi punc dilan a na gran prestaziun dla defenjiun y a na bona finalisaziun dan porta. Le derby se röia insciö sön le 2-0, portán le Rina cun 17 punc al terzo post y La Val cun 5 punc al diejim post. (dc)

Rina-La Val 2-0

Goi por le Rina: al 20' Roman Gatterer, al 44' Klaus Promberger

Formaziun da Rina: 1) Manuel Huber, 2) Philipp Winkler, 3) Alfons Facchini, 4) Hanspeter Rungger, 5) Lois Pedevilla, 6) Thomas Huber, 7) Manfred Promberger, 8) Roman Gatterer, 9) Klaus Promberger (capitan) (dal 60' Andreas Ferdigg), 10) David Huber (dal 85' Timothy Davare), 11) Daniel Ferdigg (dal 81' Michael Rungger)

Alenadú: Karlheinz Pedevilla

Formaziun da La Val: 1) Nathan Massa, 2) Paolo Vallazza, 3) Fabian Moling (dal 58' Simon Campei), 4) Ivan Tschaffert, 5) Luca Pescollderungg, 6) Christian Dapoz, 7) Alex Elzenbaumer, 8) Christian Terza (dal 55' Philip Moling), 9) Martin Menazzi, 10) Stefan Sottara (capitan), 11) Alex Ploner (dal 65' Patrick Miribung)

Alenadú: Luca Massa

Proscimes partides: Laiun-Rina, sabeda ai 26 de otober dales 18:00 a Laiun, La Val-Dietenheim, sabeda ai 26 de otober dales 16:00 a La Val

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank