Unsere Sponsoren

Gran partida fora de ciasa

Na devёnta sёcia cuntra la scuadra da Prettau porta i ladins tres plü daimpró al pröm post.
Le Rina soga la setima partida de campionat fora de ciasa cuntra la formaziun da Prettau. Por les püces partides de campionat che romagn ó i ladins ciaré de jí inant cun l'indemo ritm che ai á albü cina sёgn. Bel avisa insciö mёt man la partida di ladins sön le ciamp sintetich da Prettau. Por odёi le pröm gol dla partida ne á i spetadus nia bria da aspeté dî: na bela combinaziun danter David H. y Klaus P. porta le Rina in vantaje do da n chert d'ora de jüch. Do le gol á le Rina ciamo cotan de ocajiuns da segné, mo le palé ne ó nia jí te porta. Püch do le gol röia David C., metü in movimёnt da David H., su dan le portir mo süa trata al jore vёgn blocada cun n gran intervёnt da pert de n defensur aversar. Bel plan mёt spo ince i patruns de ciasa man da se sbloché y röia ince n iade o l'ater pormez al area dl Rina, zёnza indere mai manacé da segné. Tla fasa de maiú druch di aversars röia i ghesć ciamo n per de iadi pormez al vantaje sfrutan la velozité. Le defensur dl Rina Lois P. mёt a jí n gran cuntrapé adöm a David C. y röia cina dan le portir, olache le corp de n aversar ti tol la sodesfaziun de n gol prёsc sigü. La maiú ocajiun da realisé le 2-0 dan da la fin dl pröm tёmp é indere de Klaus P., che röia al un cuntra un cun le portir aversar, mo ne é nia bun da le superé. Insciö se stlüj jö le pröm tёmp sön le 1-0 por le Rina.
Defata do le mёteman dl secundo tёmp vёgn i ghesć castiá por les tröpes ocajiuns da gol sciürades demez. I patruns de ciasa sfrutёia sciöche al alda la pröma dёrta ocajiun da gol che ai á y restabilёsc la parité cun na bela puniziun dal limit dl area. Sön chёsta se descёda i ladins indô y se porta püc menüc dedô indô in vantaje. Ciamo n iade nasc le gol da na combinaziun danter David H. y Klaus P. che soga fora döta la defenjiun di aversars. I aversars proa sön chёsta ciamó n iade da se refá mo perd püch dedô döta la speranza. Al 69' menüt de jüch ciafa le Rina na puniziun da na bona distanza. Hanspeter R. lascia pié ia na dёrta racheta che svilupёia na parabola nia da crёie y lascia le portir di aversars a bocia daverta. Da chёsc momёnt inant él spo madёr plü öna na scuadra sön le terac de jüch. Le Rina consolidёia le resultat cun l'inserimёnt de forzes frёsches y lascia rodé le palé cun calma. A n chert d'ora dala fin mёt ince Andreas F. süa firma sön la partida: David H. pёia ia dal zёnter dl ciamp y adöm ai compagns de scuadra dribelnёia fora i aversars sciöche chidli denant co rové al punt da mёt le palé t'amez por Andreas F. che á madёr plü bria da le spizoré te porta. Ti püc menüc che romagn ne sozedel nia plü tröp y insciö se röia la partida sön le 4-1 por la formaziun da Rina.
Le Rina vá inant sön le bun tru. Cun bёgn 8 goi tles ultimes döes partides mantёgn le Rina le terzo post y se porta a -2 dales döes capolistes, cun 14 punc do da 7 partides. (dc)

Prettau-Rina 1-4

Goi por le Rina: al 16' y al 52' Klaus Promberger, al 69' Hanspeter Rungger, al 77' Andreas Ferdigg

Formaziun: 1) Manuel Huber, 2) Elias Gasser, 3) Alfons Facchini, 4) Hanspeter Rungger, 5) Lois Pedevilla, 6) Roman Gatterer, 7) David Clara (dal 63' Andreas Ferdigg), 8) Thomas Huber, 9) Manfred Promberger (dal 76' Michael Rungger), 10) David Huber, 11) Klaus Promberger (capitan)

Proscima partida: Rina-La Val, domёnia ai 20 de otober dales 15:30 a Rina

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank