Unsere Sponsoren

N punt porom

Gran prestaziun da pert dl Rina che é bugn da trá fora n punt fora de ciasa cuntra öna dles formaziun plü stersces dla competiziun.
La secunda partida de campionat dla formaziun da Rina vëgn sogada sön le ciamp da Uttenheim cuntra la formaziun de ciasa. La mancianza de valgügn sogadus dër importanc y les dimensciuns dl terac ne ti fej nia fora tröp ai ladins, che é bele dal pröm menüt inant posizioná bun te ciamp. Dî alalungia él trames les scuadres che soga bun le palé y ne conzed prësc degöna lerch ai aversars. La partida vëgn plü interessanta canche la formaziun de ciasa mët man da soghé le palé lunch y ti é insciö da trá fora cotan de palés chic, olache ai pó ester dër prigorusc. Bel avisa insciö garetel do da na mesora de jüch le gol dl 1-0: sön na trata dal ciantun é n atacant di aversars le plü asvelt da rové sön le palé y le mët insciö da püc vari dan le portir te porta. Mo le Rina ne la dá mai sö tan atira. Ti menüc atira do le gol subí á i ladins n valgönes ocajiuns da se refá, dan porta falel indere vigni iade la finalisaziun. Püch dan la fin dl secundo tëmp ciafa spo i ghesć na puniziun da bindebo dalunc. A la trá va Hanspeter R. che cun n missil atoca le ciantun bas, le portir di aversars pó madër plü ciaré pro. Insciö se stlüj jö le pröm tëmp sön le resultat de parité.
Tla pröma pert dl secundo tëmp él trames les scuadres che fej fadia da cherié de bones aziuns, sciüran gonot demez le palé cun na gran prescia. Cina a n chert d'ora dala fin ne garetel feter degönes ocajiuns concretes, no por öna, no por l'atra scuadra. Mo cun l'inserimënt de forzes nöies devënta la partida tla pert finala indô dër spetacolara. I ladins, che é stá la miú scuadra sön le terac de jüch por la maiú pert dl secundo tëmp, drüca dassënn por ciaré da se tó a ciasa i trëi punc. Al 79' ti röia le palé sön i pisc a Klaus P., che cun na trata a puntin mët le palé te porta lascián le portir aversar a mans ötes. Do le gol se descëda i patruns de ciasa te n colp y atachëia la porta di ladins cun n gran sbunf. Scemia che la defenjiun dl Rina fej dër n bun laur ti ési impó da mët a sëgn le gol dl 2-2 a dui menüc dal sciüre final. Tl tëmp che resta risćia i ghesć plü gonot da subí le gol dl 3-2, mo cun na gran prestaziun da pert de döta la scuadra ti ési da se paré cina ala fin y da se porté insciö a ciasa n punt important.
Do da na partida dër complicada, cuntra n aversar dër sterch y sön n terac dër ri, pó i ladins ester contënc de chësta bona prestaziun che i porta al momënt al pröm post, aspetán la sentënza dl vicar sportif por ci che reverda la partida cuntra San Iöre, cun 4 punc do da döes partides. (dc)

Uttenheim-Rina 2-2

Goi por le Rina: al 42' Hanspeter Rungger, al 79' Klaus Promberger

Formaziun: 1) Manuel Huber, 2) Elias Gasser, 3) Philipp Winkler, 4) Hanspeter Rungger, 5) Lois Pedevilla, 6) Manfred Promberger (dal 89' Michael Rungger), 7) Thomas Huber, 8) Marco Huber, 9) Klaus Promberger (capitan), 10) Alfons Facchini (dal 57' Andreas Ferdigg), 11) David Clara (dal 77' Lorenz Rungger)

Proscima partida: Neustift-Rina, domënia ai 15 de setёmber dales 15:30 a Vahrn

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank