Unsere Sponsoren

Trёi punc d'or

Do da na stleta pröma pert de jüch é le Rina bun da se refá tl secundo tёmp y da se tó insciö a ciasa la devёnta.
Tla terza partida de campionat soga le Rina por le terzo iade te chёsta sajun cuntra la formaziun da Neustift, che é bele stá aversars te copa. Che i patruns de ciasa ó se vendiché dla eliminaziun, chёl é bele dal pröm menüt inant tler. La formaziun di patruns de ciasa é n bel problem por la scuadra da Rina, che fej fadia da se posizioné bun te ciamp. Scemia che tl pröm tёmp él i patruns de ciasa che soga damí, él i ghesć che röia plü daimpró al gol dl vantaje, cun Klaus P. che röia plü gonot ala trata da de bones posiziuns. Incёr la fin dl fin dl pröm tёmp se lascia la stanchёza sintí y insciö röia ince i aversars n valgügn iadi pormez ala porta di ladins. Püch dan da la fin dl pröm tёmp ciafa spo le Neustift na puniziun apёna defora da l'area: la trata vёgn deviada dala bariera y se infilzёia dlungia la stangia ite, lascián le portir a mans ötes. Insciö se stlüj jö le pröm tёmp sön le resultat de 1-0 por la scuadra de ciasa.
Cun l'inserimёnt de forzes nöies se prejentёia tla secunda pert de jüch döt n atra scuadra te ciamp. Sёgn él i ghesć che controlёia le jüch y mёt man da deventé tres plü prigorusc. Le Rina ciafa fora che le punt debl dla formaziun de ciasa é i defensurs zentrai y ti é a chёsta moda da imposté aladô le jüch. Al 55' menüt de jüch röia Klaus P. cun na percusciun jö por la fascia cina jö da pe, olache al mёt ite n boniscimo palé por Andreas F. che ne é nia bun da l'abiné, mo le palé resta dailó por Timothy D. che á madёr plü bria da le sbürlé te porta, metón insciö a sёgn so pröm gol por le Rina te söa pröma partida ofiziala. Le Rina ne se acontentёia sambёgn nia cun n punt su y fej insciö dles dötes por se porté in vantaje. Püch dedô vёgn Timothy D. rosedé te area da n defensur aversar che abina madёr les iames, l'arbiter indere ne vёiga nia le cajo da sciüré l'önescmetri. Defata dedô vёgn i ghesć spo salvá da n intervёnt dl arbiter, che ti anulёia n gol ala formaziun de ciasa por na posiziun iregolara. Sön chёsta se svilupёiel sön le terac de jüch n gran nervosism, dantadöt danter i sogadus de ciasa che mёt man da soghé cun na gran agresivité. I ladins ne lascia indere nia trá fora dala partida tan saorí y aumentёia tla pert finala ciamó n iade le druch. A püc menüc dala fin ciafa i ghesć spo na trata dal ciantun, olache Manfred P. é bun da la spizoré te porta da na cörta distanza, portán le Rina sön le 2-1. Tl püch tёmp che resta á i ghesć ciamo n per de ocajiuns da segné mo ne risćia nia demassa y aspeta le sciüre final. La partida se röia sön le resultat de 2-1.
Do da n pröm tёmp da se desmentié, ti é le Rina da trá fora na gran prestaziun tl secundo tёmp che ti pormёt da se refá dl gol subí y da se porté insciö a ciasa na bela devёnta. Incomá che la pröma partida de campionat é gnüda anulada por le schieramёnt de David H. che foss sté scualifiché, se plazёia le Rina al otav post cun 4 punc do da trёi partides. (dc)

Neustift-Rina 1-2

Goi por le Rina: al 55' Timothy Davare, al 85' Manfred Promberger

Formaziun: 1) Manuel Huber, 2) Philipp Winkler (dal 46' Elias Gasser), 3) Roman Gatterer, 4) Hanspeter Rungger, 5) Lois Pedevilla, 6) Thomas Huber, 7) Timothy Davare (dal 88' Alfons Facchini), 8) Marco Huber, 9) Klaus Promberger (capitan), 10) Michael Rungger (dal 46' Manfred Promberger), 11) David Clara (dal 39' Andreas Ferdigg, dal 90' Antonio Gradilone)

Proscima partida: Rina-Dietenheim, domënia ai 22 de setёmber dales 15:30 a Vahrn

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank