Unsere Sponsoren

Dui punc da se partí 1:1
Te na partida valgamia ecuilibrada cuntra la formaziun da Niederdorf ne é le Rina nia bun da sfruté les bones ocajiuns cheriades y mёss insciö se acontenté cun na parejada.
Do avёi scomencé bun la secunda pert de campionat, mёss le Rina ciaré da se refá da la ultima partida, pordüda por 3-2 cuntra la formaziun da Dietenheim. Chёsc iade vёgnel soghé fora de ciasa cuntra la scuadra da Niederdorf. Dal pröm menüt inant á le Rina gran dificoltés da soghé le palé por gauja dles stletes condiziuns dl terac de jüch. Mo impó él tla fasa iniziala i ghesć che fej le jüch y röia atira pormez ala porta di aversars, ne é dailó indere nia bugn da sbloché le resultat. Do da na serie de ocajiuns nia sfrutades vёgn i ladins castiá sön na puniziun da dalunc, olache i aversars é bugn da la paré ite a püc vari dal portir. Do le gol perd le Rina la determinaziun y manacia ciamo n valgügn iadi da se ciafé le secundo. Bel plan ciafa spo i ghesć indô coraje y röi indo val iade dan porta. Deplü iadi suzedel cosses sospetoses te area di patruns de ciasa, le arbiter ne vёiga indere nia la nezescité da conzede la mascima puniziun. Al 38' menüt é Andreas F. bun da se oje y da mёt le palé tl incrujada cun na gran trata da fora de area, portan insciö le Rina sön le 1-1. Püch dedô ess ciamo n iade Andreas la poscibilité da porté i ladins in vantaje, mo bel su dan le portir ne él nia bun da finalizé. Ala fin dl pröm tёmp resta le Rina in diesc, do che Lorenz R. vёgn sciüré fora por dopla amoniziun.
Le secundo tёmp mёt man cun ritms plü basc co le pröm y romagn dî alalungia bindebo ecuilibré, zёnza gran ocajiuns por intrames les scuadres. La stanchёza se lascia ince sintí y insciö mёss le Rina renunzié ala costruziun de jüch por ciaré da se defёnne dai aversars, che pro da sfruté la superiorité numerica. Mo cun le inserimёnt de sogadus frёsć röia le Rina tla pert finala de jüch ciamo n valgügn iadi daimpró al vantaje. Al 85' röia Andreas te area di aversars, olache n defensur aversar le rodosa te na manira nia regolara. L'arbiter ne á degun dübe y mostra sön le önescmetri. Klaus P. surantol la responsabilité dla mascima puniziun che stlüjess bonamёnter la partida, mo süa trata atoca la traversa y insciö romagn la partida sön le 1-1 cina al sciüre final.
Do na bona partida sön n ciamp bindebo ri, cun tröpes ocajiuns nia sfrutades y n önescmetri nia atoché ne pó le Rina baldi nia se ralegré cun la devёnta. I ladins resta insciö al cuinto post cun 23 punc. (dc)

Niederdorf-Rina 1-1

Goi por le Rina: al 39' Andreas Ferdigg

Formaziun: 1) Michael Moling, 2) Stefan Rungger (dal 53' Manfred Promberger), 3) Elias Gasser, 4) Alfons Facchini, 5) Lorenz Rungger, 6) Roman Gatterer, 7) Filip Ploner, 8) Michael Rungger (dal 71' David Clara), 9) Andreas Ferdigg (dal 87' Christof Ferdigg), 10) Klaus Promberger (capitan), 11) Fidelis Ploner

Alenadú: Karlheinz Pedevilla

Proscima partida: Rina-Terenten, domёnia ai 5 de ma dales 16:00 a Rina

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 Klaus

 Andreas

6

 David H.

 David C.

2

 Daniel F.

2

 Hanspeter

2

 Manfred 

1

 Timothy

1

 Roman

1



Volksbank