Unsere Sponsoren

N bun mёteman 0:1

N edema do la secunda categoria él ince la terza che mёt indo man. Le Rina á la miú cuntra la formaziun da Prettau y se porta insciö a ciasa trёi punc importanc.
Tla pröma partida de retüda tl rode C de terza categoria él le Rina che afrontёia la scuadra da Prettau. La partida mёt man a ritms basc, cun püces ocajiuns concretes por intrames les scuadres. Ince sce al é i ladins che comana le jüch, ne ti ési nia da rové pormez ala porta di aversars, che é bugn da se paré cun na gran agresivité. Cun le passé dl tёmp él i ladins che mёt man da soghé cun tres plü confidёnza y se porta ince val iade daimpró ala porta di aversars, dailó él indere la conclujiun finala che lascia a dejidré. Danter les püces ocajiuns cheriades, él feter i aversars che á la miú dl pröm tёmp. Sön na trata dal ciantun él n sogadú da Prettau che lascia pié ia na gran trata sön porta y manacia prёsc da segné diretamёnter dal ciantun. Mo le portir Michael M. ne se lascia nia sprigoré y para le palé dalunc dal prigo.
Tl secundo tёmp se prejentёia le Rina te n atra manira. I ladins aministrёia le palé cun na gran convinziun y mёt insciö man da dominé la partida. Cun na gran determinaziun röiei te deplü ocajiuns pormez al vantaje. Do da incёr diesc menüc él David H. che ciafa le palé püch defora dal area, driblёia na schira de sogadus aversars, tuc dala morvёia dala gran abilité tecnica dl atacant ladin, y mёt le palé te porta cun na gran trata diagonala che straifёia la stangia.
I aversars ne é nia bugn da se refá y le Rina romagn la scuadra che dominёia le jüch. Püch do le gol á David H. ciamo n iade na bona ocajiun dal limit dl area, mo la trata ne abina nia le spidl dla porta. Le Rina devёnta plü gonot prigorus cun palés lunc che Andreas F. é bun da spizoré sora fora por mené i atacanc cuntra le portir da Prettau. Mo ara ne ó nia ester y le gol por stlü la partida ne gareta nia. A diesc menüc dala fin él n sogadú aversar che vёgn puní cun la mascima sanziun do na burta entrada sön Thomas H.. Ti ultims menüc é la defenjiun da Prettau a tera y ti conzёd tröpa lerch ai ladins, che ne é indere nia bugn da finalizé. Ince i aversars pro ciamo n valgügn iadi da se refá, mo i ladins é bugn da se paré cina ala fin y da se to a ciasa trёi punc de valüta.
Ince sce al é ma sté öna na scuadra te ciamp, ne n'él impo ne nia sté tan saori da davagne co che an minâ. Cun n vantaje de un n gol su él sté da mёt averda cina al sciüre final por se asiguré i trёi punc. Insciö se porta le Rina a 16 punc te classifica y mantёgn le cuint post, a -4 dai cuarc. (dc)

Prettau-Rina 0-1

Goi por le Rina: al 56' David Huber

Formaziun: 1) Michael Moling, 2) Stefan Rungger, 3) Elias Gasser, 4) Alfons Facchini, 5) Lorenz Rungger, 6) Michael Rungger (dal 82' Dennis Gasser), 7) Roman Gatterer, 8) Thomas Huber, 9) Klaus Promberger (dal 90' David Clara), 10) David Huber, 11) Fidelis Promberger (dal 46' Andreas Ferdigg)

Proscima partida: Rina-Perha, domёnia ai 31 de merz dales 16:00 a Rina

 
Ältere Berichte
Rina - St.Georgen 01.09.19

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 David C.

 David H.

 Klaus

 Andreas

1



Volksbank