Unsere Sponsoren

Desfata totala 5:0
Tl ultima partida dl altonn soga le Rina cuntra la formaziun da Uttenheim, por ciaré da davagné y se porté plü daimpró ai pröms.
Sön le gran ciamp da Uttenheim él i ladins che röia snel ite tl jüch y se defёnn bun cuntra i aversars, conesciüs por avёi n atach da temёi. Tratan i pröms menüc él cinamai le Rina che manacia da segné te deplü ocajiuns, mo al ne ti gareta nia da stlü jö les aziuns cheriades.
Do na mesora de ecuiliber él i aversars che se porta en vantaje. Le gol inciurnёsc i ghesc, che se ciafa ti proscims menüc ciamo dui goi. Le cuarto gol vёgn madёr evité dal sciüre dl arbiter por n fal di aversars. Bel plan él spo i patruns de ciasa che se calma y ti lascia indo plü lerch al Rina. Mo canche l'arbiter ti neghёia n önescmetri al Rina do n fal evidёnt te area, él i sogadus che perd feter dötes les speranzes.
Valgügn iadi röia i ladins ciamo dan porta, mo ne é mai bugn da mёt le palé te rёi. I aversars indere é ciamo dui iadi bugn da segné y da stlü jö la partida a n chert d'ora dala fin, canche le Rina resta in diesc por l'espuljiun de Filip P., sciöche sce al ne bastass nia. Ti menüc che resta mёss i ghesc madёr plü ciaré da evité na maiú desfata. La ocajiun da se porté daimpró ai pröms y de podёi insciö ciamo avёi val da di por la promoziun ne vёgn nia sfrutada indortöra. Por podёi baié de secunda categoria mёss sёgn le Rina fa n ritorno straordinar. (dc)

Uttenheim-Rina 5-0

Formaziun: 1) Michael Moling, 2) Stefan Rungger (dal 36' Marco Huber), 3) Manfred Promberger, 4) Thomas Huber, 5) Alfons Facchini, 6) Michael Rungger (dal 74' Elias Gasser), 7) David Clara (dal 36' Philipp Winkler), 8) Ivan Tschaffert, 9) Filip Ploner, 10) David Huber, 11) Andreas Ferdigg (capitan) (dal 72' Fidelis Ploner)

 
Ältere Berichte
Rina - St.Georgen 01.09.19

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 David C.

 David H.

 Klaus

 Andreas

1



Volksbank