Unsere Sponsoren

Secunda devёnta indolater 1:2
Le Rina soga la penultima partida de chёsc altonn cuntra le San Iöre, ultims te classifica a 0 punc.
La partida mёt man sot na gran plöia. I ghesc röia tosc ite tla partida y mёt man da comané le jüch. Deplü iadi röia le Rina daimpró al vantaje, mo ne é nia bugn da stlü jö les bones ocajiuns cheriades. Ince sce al é i ghesc che comana la partida, él i patruns de ciasa che á la maiú ocajiun dl pröm tёmp, mo le portir Michael M. é bun da paré le palé demez dala linia de porta y da evité n gol prёsc sigü.
Do da püc menüc dl secundo tёmp ti garetel al Rina na gran ocajiun do che David C. ti mёt n bun palé söi pisc a Andreas F., bel su dan le portir. Cun na gran parada é le portir bun le tigní sö, l'aziun ne é indere nia ciamo rovada, y insciö röiel adalerch Roman G. che mёt le palé tl incrujada cun na bela trata da dalunc. Püc menüc dedô á le Rina l'ocajiun da se porté sön le 2-0, mo David y Andreas, bi susc dan le portir, ne se capёsc nia y röia in foradejüch. Ince sce le Rina fej la partida, él i ghesc che se porta söl 1-1 do che le palé ti ê slizié fora dles mans al portir Michael. I ghesc ne la dá nia sö y se porta a n chert d'ora dala fin indô in vantaje cun na bela trata da dalunc de Philipp W., apёna gnü ite. Sön chёsta mёt le Rina bel plan man da se lascé do fora y ti conzed plü lerch ai aversars. Ti ultims menüc de jüch suzedel spo de vigne sort. Sön n cross di patruns de ciasa é Michael bun da tigní le Rina sura ega ia cun na parada cun le jenёdl sön na trata da püc vari. Le druch dl San iöre devёnta tres maiú. Mo ti menüc de recuper se lascia i pustri sciampé la partida fora dles mans, metón man da scraié cuntra l'arbiter y cherian insciö na gran confujiun te ciamp. Do le sciüre final se lascia deplü sogadus dassёnn sö y obliёia insciö l'arbiter da trá fora la cherta cöcena.
Soghé cuntra i ultims ne é impo ne nia tan saori: ala fin de ne bona partida se porta le Rina a ciasa trёi punc miritá, risćian dassёnn tla pert finala dl jüch. A öna na partida dala fin resta insciö le Rina cuint te campionat cun 13 punc, a -6 dai pröms. (dc)

San Iöre-Rina 1-2

Goi por le Rina: al 55' Roman Gatterer, al 77' Philipp Winkler

Formaziun: 1) Michael Moling, 2) Stefan Rungger, 3) Manfred Promberger (dal 73' Philipp Winkler), 4) Thomas Huber, 5) Michael Rungger, 6) Alfons Facchini (capitan), 7) Roman Gatterer, 8) Christian Ferdigg, 9) Fidelis Ploner (dal 49' Andreas Ferdigg), 10) David Huber, 11) David Clara

Proscima partida: Uttenheim-Rina, sabeda ai 03 de novёmber dales 14:30 a Uttenheim

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 David

 Andreas

 Dennis

 Klaus

 Lorenz

 Manfred

 Roman

 Philipp 

 David C.

 Thomas

1

 Stefan R.

1



Volksbank