Unsere Sponsoren

Trёi punc miritá 4:1
A trёi partides da la fin, él le Rina che soga por l'ultim iade de chёsc altonn te ciasa, cuntra le Gossensass.
Bele tl mёteman dla partida él i patruns de ciasa che desmostra de orёi davagné a vigne cost. Do da n cört ecuiliber inizial, mёt le Rina man da dominé la partida. La superiorité devёnta ciamo maiú canche le capitan aversar vёgn paré fora de ciamp por la secunda ghela do na mesora de jüch. I tentatifs dl Rina vёgn premiá püch dan la fin dl pröm tёmp. Al 38' menüt è Dennis G. bun da sbloché le resultat, metón le palé te rёi da püc vari, do na parada dl portir aversars.
Le secundo tёmp mёt man cun manco energia co le pröm. Mo spo canche les forzes devёnta tres demanco y la stanchёza tres maiú, él David H. che pёia ia amesa i defensurs fora y se porta cina dan le portir cun na conduziun dl palé straordinara, olache al ti da spo le palé a Andreas F., che á madёr plü bria da le paré ite te porta. Le gol motivёia i sogadus, che soga por n valgügn menüc dёr bun y röia püch dedo pro le terzo gol: sön na trata dal ciantun de Ivan T. ti röia le palé söi pisc a David, che é bun da finalisé l'aziun cun n missil sot la traversa. Sön le vantaje de trёi goi él i sogadus che mёt man da se lascé bel plan do fora. Te ciamp se formel na gran confujiun, olache trames les scuadres se fej ert da soghé sciöche al alda. Incёr la fin dla partida é i aversars bugn da ti sciampé a difesa y portir y da fa gol a porta öta. Les speranzes dl Gossensass ne döra indere nia dёr di: al 90' él ciamo n iade Andreas che mёt le palé te porta cun na trata de cé y stlüj jö la partida.
Insciö él le Rina che röia tl ultima partida te ciasa finalmёnter indo pro i trёi punc, che falâ oramai da cater partides. (dc)

Rina-Gossensass 4-1

Goi por le Rina: al 38' Dennis Gasser, al 66' y al 90' Andreas Ferdigg, al 70' David Huber

Formaziun: 1) Michael Moling, 2) Stefan Rungger, 3) Roman Gatterer, 4) Thomas Huber, 5) Manfred Promberger, 6) Michael Rungger (dal 77' Philipp Winkler), 7) Filip Ploner (dal 28' Alfons Facchini), 8) Ivan Tschaffert (capitan) (dal 85' Elias Gasser), 9) Dennis Gasser (dal 52' Andreas Ferdigg), 10) David Huber, 11) Fidelis Ploner (dal 65' Elmar Kosta)

Proscima partida: San Iöre-Rina, sabeda ai 27 de otober dales 15:30 a San Iöre

 

 

SPIELER DER WOCHE
Gatterer Roman

Roman

TORSCHÜTZEN
US RINA
 Andreas

 David

 Dennis

 Lorenz

 Manfred

 Roman

 Philipp 



Volksbank