Unsere Sponsoren

Batosta cuntra la capolista 3:0
Tla sesta partida de campionat él le Rina che soga fora de ciasa cuntra la formaziun da Terenten, che é pröms tl rode C de 3. categoria.
Soghé fora de ciasa cuntra i pröms te classifica ne sprigora nia le Rina che mёt man la partida cun n gran sbunf. Ince sce an ess podü se aspeté da messёi sté a defёne, él i ghesc che fej le jüch y cheriёia plü ocajiuns co i padruns de ciasa. Deplü iadi é David H. bun da rové ala trata da bones posiziun, mo le portir aversar ti é da se paré cun mans y pisc. I padruns de ciasa ne é deperpo nia bugn da sprigoré le Rina plü co n tant.
Tratan la pröma pert dl secundo tёmp él i ghesc che á ciamo n valgönes ocajiuns da se porté in vantaje, cun Dennis G. che strafnёia la traversa do na trata dal ciantun y David H. che atoca la stangia do na bela aziun personala.
Al 69' menüt él le portir Giovanni E. che se ciafa n bur colpo tl cé y röia insciö süa pröma partida pro le Rina. Impede ёl él Luca P. che vёgn cambié ite. Do da püc menüc suzedel spo l'avenimёnt che cambia la partida. Sön na trata dal ciantun dl Terenten resta n sogadu ia por tera y vёgn pesté sot dal portir Luca. L'arbiter sciüra, ti mostra la cöcena a Luca y mostra sön l'önescmetri, scemia che le fal é gnü fat canche le palé ê bele defora dl ciamp. I tentatifs da baié cun l'arbiter ne porta nia, y insciö se porta la formaziun de ciasa in vantaje a diesc menüc dala fin do na dezijiun arbitrala nia da capí. Al 88' él spo ciamo n iade l'arbiter che influenzëia la partida, sciuran na puniziun por i padruns de ciasa do che Thomas H. ê gnü rosedé püc secunc denant. Na deviaziun dla bariera spiazёia le portir y radoplёia le vantaje. Sciöche sce al ne bastass nia, se porta i aversars sön le 3-0 püc menüc dedô cun n atra puniziun dal limit. Comané la partida por plü co n ora ne basta nia: na gran sfortüna dan porta, n fal che ne ess nia messü ester y na dezijiun arbitrala nia da capí ti tol al Rina ciamo n iade la sodisfaziun di trёi punc, che fala oramai da cater partides. (dc)

Terenten-Rina 3-0

Formaziun: 1) Giovanni Erlacher (dal 69' Luca Promberger), 2) Stefan Rungger, 3) Roman Gatterer, 4) Thomas Huber, 5) Manfred Promberger, 6) Michael Rungger (dal 54' Andreas Ferdigg), 7) Filip Ploner, 8) Ivan Tschaffert (capitan), 9) Fidelis Ploner (dal 69' David Clara), 10) David Huber, 11) Dennis Gasser (dal 81' Richard Costisella)

Proscima partida: Rina-Gossensass, domёnia ai 21 de otober dales 15:30 a Rina

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 David

 Andreas

 Dennis

 Klaus

 Lorenz

 Manfred

 Roman

 Philipp 

 David C.

 Thomas

1

 Stefan R.

1



Volksbank