Unsere Sponsoren

Parejada in extremis 1:1
Tla cuinta partida de campionat él le Rina che soga te ciasa cuntra la formaziun da Niederdorf, por ciaré da fa indo punc do da döes partides a mans ötes.
Le Rina mёt man la partida cun gran determinaziun por ciaré da se desmentié dles ultimes döes partides. Tratan döt le pröm tёmp él la scuadra de ciasa che röia plü gonot daimpró al vantaje, mo ne è mai bona da concretisé les bones aziuns cheriades. Ti menüc finai dl pröm tёmp él Fidelis P. che röia pormez al gol cun na gran trata de cé do avёi antizipé le defensur aversar. Le pröm tёmp se stlüj insciö jö sёnza goi.
Le secundo tёmp scomёncia cun l'indemo ritm dl pröm. I padruns de ciasa comana le jüch y se lascia odёi n valgügn iadi dan la porta di aversars, sёnza ester bugn da superé le portir aversar che tёgn sü compagns deplü iadi sura ega ia cun de gran parades. Mo bel canche an se l'aspetass le manco, él na trata dal ciantun che castiёia la formaziun de ciasa. Na trata de cé da na cörta distanza porta i aversars sön le 1-0 a püch da la fin. I padruns de ciasa ne à indere degöna intenziun da zede y dá döt ti ultims menüc de jüch. Ala fin él spo ince Manfred P. che se alza y ti lascia odёi a düc de ne ester nia ma n bun defensur. Al 90' él bun da porté le resultat sön le 1-1 cun na bela trata tl ciantun bas. Püch dedô él n fal de man de n defensur aversar che ti porta al Rina na puniziun da na boniscima posiziun. La trata de Michael R., che ess podü ester chёra dla devёnta, va indere dlungia ia. Te na partida dominada mo plёna de sfortüna ne é le Rina nia bun da tra fora deplü co un n punt, restan insciö a 7 punc do 5 partides. (dc)

Rina-Niederdorf 1-1

Goi por le Rina: al 90' Manfred Promberger

Formaziun: 1) Luca Promberger, 2) Michael Rungger, 3) Manfred Promberger, 4) Roman Gatterer, 5) Alfons Facchini, 6) Ivan Tschaffert (capitan), 7) Filip Ploner (dal 78' Stefan Rungger), 8) Fidelis Ploner (dal 77' Dennis Gasser), 9) Andreas Ferdigg, 10) Christian Ferdigg (dal 86' David Clara), 11) Elmar Kosta

Proscima partida: Terenten-Rina, sabeda ai 13 de setember dales 15:30 a Terenten

 

 

SPIELER DER WOCHE
Ploner Fidelis

Ploner Fidelis

TORSCHÜTZEN
US RINA
 David

 Andreas

 Dennis

 Klaus

 Lorenz

 Manfred

 Roman

 Philipp 

 David C.

 Thomas

1



Volksbank