Unsere Sponsoren

Desfata te ciasa 1:3
Do avёi davagné les prömes döes partides, él le Rina che soga la terza partida de campionat te ciasa cuntra la scuadra da Dietenheim/Aufhofen.

Bele ti pröms menüc dla partida él i ghesc che desmostra de avёi na marcia in plü. Insciö ti garetel bele do da n chert d'ora le pröm gol, do che i padruns de ciasa â pordü le palé te na posiziun prigorosa.
Le Rina ne é nia bun da se descedé y riscia ciamó n valgügn iadi denant co gni castié dal arbiter do na mesora de jüch. Sön na aziun de jüch tl area dl Rina él n sogadú di aversars che atoca n defensur dl Rina te n brac da na cörta distanza, sön chёsta él l'arbiter che sciüra l'önescmetri. Les protestes di padruns de ciasa ne porta nia, i aversars realisёia la mascima puniziun y se porta insciö sön le 2-0. Le ritm dla partida resta l'indemo por le rest dl pröm tёmp, cun le portir Michael M. che salva n valügn iadi le resultat cun de beles parades. Püch dan la fin él ciamo n iade i aversars che manacia da alzé le vantaje cun na bela trata dal limit che atoca la stangia a portir batü.
Do avёi cambié ciamp, él le Rina che mёt man le secundo tёmp cun döt n ater jüch. Do püc menüc é Andreas F. bun da spizoré le palé de cé sora le portir fora por segné le gol dl 2-1. Do da chёsta él le Rina che mёt man da comané la partida y i aversars che mёss mёt man da se defёne. Püch dedo él ciamó n iade Andreas F. che á na bona ocajiun sön i pisc cun le portir ia por tera, mo ne è nia bun da atoché la porta por püch. La partida va inant cun le Rina che vёgn archité plü gonot da fai bindebo posoc dl arbiter, che porta n gran nervosism tl jüch. Ti ultims menüc él spo ciamo n iade i aversars che mёt le palé te porta y stlüj jö la partida.
Do da n pröm tёmp cun tröc fai y deplü dezijiuns arbitrales nia da capí, ne ti bastel nia al Rina n secundo tёmp valgamia bun por salvé le resultat, restan insciö a 6 punc do da trёi partides, a -1 dal pröm post.

Rina-Dietenheim/Aufhofen 1-3

Goi por le Rina: al 51' Andreas Ferdigg

Formaziun: 1) Michael Moling, 2) Stefan Rungger (dal 25' Dennis Gasser, dal 72' Daniel Ferdigg, dal 81' Filip Ploner), 3) Manfred Promberger, 4) Thomas Huber, 5) Alfons Facchini, 6) Lorenz Rungger, 7) Roman Gatterer (dal 66' Fidelis Ploner), 8) Ivan Tschaffert, 9) Andreas Ferdigg, 10) David Huber, 11) Marco Huber

Proscima partida: Mühlwald-Rina, sabeda ai 29 de setember dales 16:00 a Mühlwald

 

 

SPIELER DER WOCHE
Gatterer Roman

Roman

TORSCHÜTZEN
US RINA
 Andreas

 David

 Dennis

 Lorenz

 Manfred

 Roman

 Philipp 



Volksbank