Unsere Sponsoren

Trёi punc por mёt man la sajun nöia 1:0 cuntra Prettau
Do n mёteman stort te copa, el la scuadra da Rina che mёss ciaré da scomencé bun le campionat de 3. categoria tl rode C.
La nöia sajun mёt man bun por la scuadra da Rina. Bele do da püc menüc garetel la pröma ocajiun por Andreas F. che anticipёia le portir aversar y mёt le palé te porta, mo l'aziun vёgn architada por na posiziun nia regolara. Al 20° menüt el spo ciamo n iade Andreas F. che salta le plü alalt de düc sön na puniziun da dalunc y porta in vantaje le Rina cun n bel stach de cé. Por le rest dl pröm tёmp el la scuadra de ciasa che comana le jüch, sёnza conzede tröpes ocajiuns ai aversars. Le Rina röia plü gonot daimpro al gol dl 2-0, a püc menüc dala fin dl pröm tёmp el Thomas H. che straifёia la traversa cun na puniziun sёcia da dalunc.

Le secundo tёmp va inant cun manco emoziuns, cina che Fidelis P. vёgn cambié ite pur Andreas F. a vint menüc dala fin.
Avisa a Fidelis ti garetel püch dedo na gran ocajiun da stlü jö la partida: David H. ti mёt n bun palé söi pisc, mo Fidelis bel su dan le portir ne é nia bun da superé le portir, che para fora le palé. Sön chёsta el Fidelis che tёgn sö le portir cun n fal, chёsc ultim ne è nia bun da se tigní ite y tol Fidelis tl col. Por le arbiter ne restel degöna atra opziun co paré le portir aversar, Nico Vallazza, sot la duscia y amoní Fidelis.
La superiorité numerica te ciamp döra indere madёr püc menüc, cina che Fidelis ciafa la secunda ghela por n fal da do ite. La stanchёza dles scuadres se lascia dassёnn odёi tla pert finala dl jüch, olache trames les scuadres mёss soghé inant cun n sogadú de manco.
Do 90 menüc el le Rina che se porta a ciasa trёi punc miritá, do avёi comané le jüch por döta la partida, mo sёnza ester sta bugn da concretizé les tröpes bones ocajiun dan porta.

Gol por le Rina: al 20' Andreas Ferdigg

Formaziun:
1) Michael Moling, 2) Stefan Rungger, 3) Manfred Promberger, 4) Thomas Huber, 5) Alfons Facchini, 6) Lorenz Rungger, 7) Roman Gatterer, 8) Ivan Tschaffert, 9) Philipp Winkler (dal 86' Dennis Gasser), 10) David Huber, 11) Andreas Ferdigg (dal 71' Fidelis Ploner)

Proscima partida: Percha-Rina, sabeda ai 15 de setёmber dales 16:00 a Percha

 

 

SPIELER DER WOCHE
Gatterer Roman

Roman

TORSCHÜTZEN
US RINA
 Andreas

 David

 Dennis

 Lorenz

 Manfred

 Roman

 Philipp 



Volksbank