Unsere Sponsoren

Na parejada por stlü jö la sajun 2:2
L'ultima partida dla sajun á ma plü valüta por la scuadra dl Gais che cun na devënta ess l'ocajiun da arjunje l terzo post te tlassamënt.
L Rina na nia da perde y nia da davagné. Insciö è ti pröms minuc i patruns a comané l jüch y l Rina mess ciaré da se paré. Impó è i ladins bugn da se fa prigorusc te valch aziun y insciö röun a na puniziun dai önescmetri al 7. minut. Manuel M. se porta ite cuntra porta y vëgn metü ia por tera. Filip P. se prejënta söl punt dl önescmetri, mo söa trata vëgn parada dal portier. Gol falé, gol ciafé. L'atacant Dalla Santa castiëia püch dedo l Rina cun so pröm gol dl dé, 1-0. Sëgn el l Gais che fej gran presciun mo l Rina tëgn inant. Püch dan la fin dl pröm tëmp garetl impo ciamo l secundo gol. L'atacant anünzié denant fej so secundo gol. Les scuadres vá a palsé, do n pröm tëmp combatü sot an gran cialt.
L secundo tomp mët man al miú por l Rina. L'atacant Andreas F. fej cun n bel stach de cé l gol dl 2-1, do na trata da ciantun. Sëgn é les forzes scaldi avaliades y ntrames les scuadres á deplü ocajiuns. L tëmp passa y ala fin fora á l Rina söa miú fasa. A diesc minuc dala fin el ince l alenadú Georg che vá te ciamp y avisa do na söa trata dal ciantun avaliëia Daniel Ferdigg l resultat cun n bel colp de cé tl piz lunch. La ocajiun por la devënta ne vëgn nia a mancé mo les trates de Georg y Daniel F. vëgn parades. Insciö se röa la sajiun cun na parejada miritada sot an gran cialt che á costé tröpes forzes.

Ince sce l obietif dla sajun né nia gnü arjunt ciara l Rina cun l cé alalt ala proscima sajun. Les preparaziun por l'altonn á bele metü man y cun nöia motivaziun jaran a arjunje de nüs traverc.

L USR oress ringrazié düc canc chi che á te vigne moda contribuí a daidé l'uniun y dandadöt ince os sostegnidus che sëis gnüs da vigni tomp a se sostigní ales partides.

N GRAN DILAN a os düc canc!!!
Sodun por la sajun 2018/19!

FORZA RINA!!!!

Formaziun:
1)Manuel H., 2) Matthias W. (dal 76' Manfred P.), 3) Michael R. (dal 70' Roman G.), 4) Marco H., 5) Hans Peter R., 6) Daniel Ferdigg, 7) Filip P. (dal 56' Lorenz R.), 8) Manuel M., 9) Daniel Frenes, 10) Fidelis P. (dal 74' Georg C.), 11) Thomas H. (dal 46' Andreas F.)

Goi por l Rina:
46. minut Andreas F.
78. minut Daniel Ferdigg

 

 

SPIELER DER WOCHE
Gatterer Roman

Roman

TORSCHÜTZEN
US RINA
 Andreas

 David

 Dennis

 Lorenz

 Manfred

 Roman

 Philipp 



Volksbank