N vare zoruch por pié ia danü
La matematica castiëia l Rina che toma jö te terza categoria

L derby de Mareo é incösc iade dër sontí. Dandadöt por l Rina che adora punc por speré inant tla salvëza. La partida mët man sot a na gran plöia che fej l ciamp posoch y ne impormët nia n jüch spetacolar. Impo è l ritm alt, ntrames les formaziuns ne se scinca nia. Al 4. minut passa i patruns de ciasa n vantaje. Andreas F. anüza n fal dla defenjiun y cun na trata tl piz cört portl söa scuadra sön l 0-1. L Mareo ne se lascia nia trá jö y avaliëia püch dedo l resultat. Indo vëgn anüzé n fal dla defenjiun che Lukas H. castiëia cun na trata a bot sigü. La partida resta inant interessanta y intrames les scuadres a deplü ocajiuns por cambié l resultat. Por l Rina el dui iadi Lorenz R. che è l plü ascvelt sön la rebatüda dl portier, mo söes deviaziuns ne ciafa nia le tru te porta. Ince n colp de cé de Andreas F. do na trata da ciantun vëgn architada sön linia de porta. L Mareo á söa miú ocajiun cun Samuel F.. Do na crossada röel bel su sön l palé, mo söa trata röa de püch dlungia stangia de porta ia. L pröm tomp se röa inscio sön l 1-1.
Tl scomëciamënt dl secundo tomp el l Mareo che detëia l jüch y passa insciö tosc n vantaje. Do na trata da ciantun el Ivan I. che röa al palé y cun na bela trata al jore tl piz alt de porta cambia indo l resultat. L Mareo resta inant a comané l jüch y á te cösta fasa dla partida cotan de ocajiuns por alzé l resultat. Inpormó ala fin è l Rina bugn da mostré na reaziun y feter a tëmp scadü garetl l 2-2. Tobias C. anüza na rebatüda dl portier y cun na spizorada sëgnl l secundo gol. I resultac sön i atri ciamps né indere nia a vantaje por l Rina che adora ciamo n gol. Cun les ultimes forzes sciüra i patruns ciamó niade döt inant, mo l gol ne toma nia plü. Deache les atres scuadres ne sa nia lascé sciampé l ocajiun, se stlüj por l Rina la porta por la salvëza de categoria. La scuadra de Col dla Vedla mess insciö fa n vare n zoruch y pié indo ia da na categoria plü bassa. L Mareo resta inant al bun terzo post de tlassamënt.

US Rina:
1) Michael M., 2) Alfons F. (dal 49' Hans Peter), 3) Thomas H., 4) Matthias W. (dal 54' Fidelis P.), 5) Manuel M., 6) Lorenz R. (c) (dal 54' Marco H.), 7) Tobias C., 8) Ivan T.(dal 86' Roman G.), 9) Andreas F., 10) David H. (dal 33' Daniel Frenes), 11) Daniel Ferdigg

ASC Mareo
1) Luca M., 2) Gabriel F., 3) Walter P., 4) Daniel A., 5) Andrea M., 6) Thomas C., 7) Ivan I., 8) Robert K., 9) Walter K., 10) Samuel F., 11) Lukas H.

Goi:
4.minut, Andreas F., 1-0
13.minut, Lukas H.
47. minut, Ivan I.
90. minut, Tobias C.

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank