Devënta cuntra l Vandoies 1:2
L’ultima partida é gnüda sogada a Vandoies. Ciamp olache l Rina á dagnora dassën stonté da fa punc.
I aversars pëia ia miú tla partida y á ti pröms minuc l jüch tles mans. Ocajiuns da gol plü contan prigoroses ne saltel indere nia fora. L Rina chir cun i atacanc asvelc plü gonot l cuntrapé y plü che l tomp passa plü che i ladins se plazëia tl mezciamp aversars. Sëgn detëia i ghesc l jüch y röa a tröpes ocajiuns da gol. Na puniziun de Hans Peter vëgn deviada y va de püch dlungia porta ia. David H. la proa plü gonot cun trates da fora d’area che ne ciafa nia so travert. Tobias röa su dan l portier mo vëgn bloché dan defensur. Do na crossada mancel ma n polan che Filip sides bun da ti dé la dërta deviaziun te porta. L gol è tl aria. Püch dan la fin dl pröm tëmp era finalmënter tan inant. Do na rebatüda cörta dl portier aversar abina Tobias l palé. Cösc ti fej n bel passaje a David che röa su dan l portier. Cun na trata prezisa söl secundo palo se porta l Rina sön l 0-1. Tl secundo tëmp se avaliëia les forzes y l Vandoies alza l ritm por chiri l gol dla parité. Al 55ejim ciafa i aversar na poniziun al limite dl’area che l’atacant Mirabella trasformëia cun na bela trata sura la bariera, 1-1. Sëgn el l Rina che á söa fasa plü debla. Bëgn dui iadi vëgn l resultat salvé cun de gran intervënc. Niade dal defensur Thomas H. y niade dal portier Michael M. che sá ciafé l’atacant su dan da ël. Mo l Rina ne toma nia y se tira indo sö. I atacanc fej inant n bun jüch y röa ince a ocajiuns d’or. Tobias salta deplü defensurs mo a püch dan l passaje al compagn David su amesa area vëgnel desturbé dan defensur che desfej l ocajiun. Püch dedo el Tobias che interzetëia n passaje zoruch al portier. Su dan porta va söa trata baldi sura porta fora. La partida resta inant interessanta. A püch dala fin vëgn l resultat impo sbloché. Do na crossada t’area aversara abina Daniel F. l palé püch fora d’area. Al lascia pié ia na gran trata söl secundo palo che ne ti dá degöna ocajiun da paré al portier. La festa è grana por i ladins y püch dedo sciüra l’arbiter la fin.
Trëi punc importanc che dá forza tl dagní!

Formaziun:
1)Michael M., 2) Alfons F., 3) Matthias W., 4) Hans Peter R., 5) Thomas H., 6) Ivan T. (dal 85’ Fidelis P.), 7) Manuel M., 8) Roman G. (dal 71’ Daniel F.), 9) David H., 10) Tobias C., 11) Andreas F. (capitan) (dal’ 3 Filip P.-dal 71’ Daniel Ferdigg)

Goi por l Rina:
39. minut, 0-1 David H.
90. minut, 1-2 Daniel Ferdigg

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank