Trëi punc d’or
Bel tomp, bun cialt, tröc spetadus, na bela partida y l plü important trëi punc che resta te ciasa ladina.
La partida cuntra l Sest á desche bele ti ultimi agn scinché emoziuns fina al ultim minut. Mo metun man dal scomenciamënt. L Rina mess fa punc y insciö el i sogadus che vá dër motivá tl bel ciamp arjigné ca cun tröpa fadia tles ultimes edemes. Mo a tó l jüch tles mans el ti pröms minuc l Sest. I patruns de ciasa mëss scaldi ciaré da se paré. La miú ocajiuns á l capitan di ghesc. Söl cinch röel bel su ala conclujiun che va de püch dlungia la stangia de porta ia. Gran fortüna por i ladins. L Rina röa man man tres plü n jüch. Ala chërt d’ora se porta Tobias C. ite cuntra porta y vëgn metü sotisura dan defensur aversar, mo l sciüre dl’arbiter resta chît. A püc minuc dala fin el spo la secunda bona ocajiun dl Rina da anunzié. Daniel F. crossëia t’area olache Matthias W. deviëia cuntra porta. Mo söa trata de ciamp va alta sura porta. L secundo tomp mët man mal por l Rina. Cun la pröma puniziun röa i ghesc al gol. L defensur Lanzinger ti scampa a sü marcadus y sëgna de cé l 0-1. Sëgn el l Rina che alza la presciun y tol l jüch tles mans. Plü iadi röa i sogadus a conclujiuns da gol y al 58 ejim era tan inant. Do na puniziun röa Alfons F. al colp de cé che vëgn robatü, instess el l plü ascvelt da reagí y cun na bela trata al jöre batl l portier, 1-1. L Rina resta inant n atach y chir sëgn l gol che portass ala devënta. Diesc minuc dedo el Tobias C. che mët jö n passaje lunch, cun na bela driblada saltel l defensur y se porta ite cuntra porta. Söa trata da posiziun defilada vëgn deviada dan sogadú dl Sest tla propria porta. La festa è grana, l Rina è dant por 2-1. Sëgn o i ladins stlü la partida y á püch dedo ciamo de bones ocajiuns cun Tobias C., David H. y l capitan Andreas F.. Ala fin la proa l Sest cun deplü pales altes t’area. Sön öna na ocajiun tofera da fal dai önescmetri, mo l arbiter avaliëia les deziujiuns y insciö se röa la partida cun la bela devënta dl Rina.

Formaziun:
1)Michael M., 2)Michael R. (dal 46’ HansPeter R.), 3) Matthias W., 4) Alfons F., 5) Thomas H., 6) Manuel M. (dal 67’ Filip P.), 7) Ivan T. (dal 78’ Roman G.), 8) Marco H., 9) Andreas F. (capitan) (dal 85’ Fidelis P.), 10) Tobias C., 11) Daniel F. (dal 46’ David H.)

Goi por l Rina:
58. minut Alfons F, 1-1
68. minut Tobias C., 2-1

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank