Porta strinada 2:0
Do les pordüdes posoces cuntra l Reischach y l Dietenheim/Aufhofen ê l Rina sforzé da mostré na reaziun.

A gauja de valch descualificaziuns pëia ia i ghesc cun deplü müdaziuns. L scomënciament è ante por l Rina, che se lascia atira tó a frëit. Praticamonter cun la pröma aziun prigorosa, ti garetl ai patruns de ciasa l gol dl vantaje. N sogadú se porta da na pert jö, tira l palé ite a mez olache l’atacant Steinmair deviëia te rëi por l 1-0. L Valdaora fej inant presciun y á püch dedo na gran ocajiun por alzé l resultat. Incösc iade el indere Manuel H. che salva sü compagns dal gol. Plü che l tomp passa, plü che l Rina röa te partida. I ladins se porta tres deplü cuntra porta aversara, mo de gran ocajiuns da gol ne saltel nia fora. Tl resto dl pröm tomp è les forzes te ciamp scaldi avaliades ocajuns da gol nel nia plü da odëi.

L secundo tomp mët man cun na duscia frëida por l Rina. N sogadú dl Valdaora abina l palé y da bun 20 metri lascl pié ia na saita che ne ti dá nia l’ocajiun da paré a Manuel H., 47ejim minut, ara sta 2-0. Sëgn el l Rina che alza l ritm y praticamonter fina al ultim secund chirai l gol che ti dess indo speranza. Al 50’ minut el Tobias C. y David H. che driblëia deplü sogadus aversars, ultimo röa ala conclujiun che vëgn alzada sura porta fora dal portier. Valch minut dedo ciafa l Rina na poniziun al limit dl’area. Manuel M. lascia pié ia na trata stërscia che vëgn robatüda dal portier, medemo röa indo söl palé mo ince la secunda trata vëgn architada. Sön la terza trata de David H. fej l portier n mez miraco y salva söa scuadra dal gol. I ladins drucha inant. Al 67’minut vëgn Andreas F. trat jö t’area y l bun arbiter ne bazila nia a conzeder la poniziun dai önescmetri. L capitan instëss se tol sö l’inciaria, mo söa trata vëgn parada dal portier che tëgn inscö söa scuadra te jüch. I ghesc ne la dá nia sö y drucha i aversar te so mezciamp. A diesc minuc dala fin el indo l capitan che la proa. Do na crossada abinl l palé de cé, mo la porta è strinada. L portier che do cösta parada po gni proclamé sant ne lascia gnanca te cösta ocajiun scassé la rëi. Ala fin el ciamo Fidelis P. y Matthias W. che la proa. Mo ince cöstes trates né bones da cambié l resultat. Na desfata dal döt nia meritada por l Rina, che cun npü de fortüna ess podü porté a ciasa almanco n punt. Joa döt nia, la dezijiun por la retrozesciun resta inant interessanta, mo cun prestaziuns desche cöstes gnaral ciamo punc. Forza Rina!!!

Formaziun:
1)Manuel H., 2) Manuel M., 3) Matthias W., 4) Ivan T., 5) Marco H., 6) Lorenz R. (dal 63’ Filip P.), 7) Daniel Ferdigg (dal 73’ Roman G.), 8) Daniel Frenes (dal 73’ Michael R.), 9) Tobias C., 10) Andreas F. (capitan), 11) David H. (dal 82’ Fidelis P.)

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank