Unsere Sponsoren

Desfata miritada cuntra l Raiscia 2:0
L Rina á l’ultimo fin dl’edema soghé cuntra i pröms tlasificá dl Raiscia
Na partida ria nia ma por l ciamp gran y assöt, mo ince por l gran cialt, ciamó da ausé por nos jont de valada.

I ladins se stonta bele dal pröm minut. I patruns de ciasa tira l jüch ndalater y vëgn plü iadi prigorusc. Insciö ne dörera nia die che la rëi di ghesc scassa por l pröm iade. L’atacant è bun da controlé n palé lunch y cun n bel passaje mëtl so cumpagn n bona posiziun da tra. Su amesa area ne ti dal a Manuel H. degöna ocajiun da paré y porta söa scuadra söl 1-0. Al è l 6. minut. Do l gol vara inant dl medemo vers. N Rina nia da conesce, né nia bun da se delibré dala presciun dl Raiscia y gnanca cuntra porta nesai bugn da costruí valch de significant. Insciö el l Raiscia che alza l resultat. Cun n bel movimënt passa l atacant massa saurí danter 3-4 defensurs dl Rina fora y röa insciö su dan porta ladina. L 2-0 è plü co mirité. Dan la fin dl pröm tëmp el Manuel H. che fej ciamo valch miraco sön linia de porta y tëgn sü compagns insciö n jüch. L sciüre por ji a palsé vëgn al dërt momënt.

Al mët man la secunda fraziun de jüch y ntratan el l’alenadú Georg che á bele fat trëi cambiamënc. Cösc porta früt y tl scomenciamënt el i ghesc che soga miú. Les speranzes da recuperé l resultat vëgn ndere tosc descfates dal arbiter. Do na cherta cöcena assurda, mess T. Costalunga lascé l ciamp de jüch. L Raiscia tira sëgn fora l ritm. L Rina n diesc ne nia bugn da mete presciun. Insciö se destöda plan plan la partida. Ala fin el Fidelis P. che á ciamo na bona ocajiun por fa la partida indo plü interessanta, mo l resultat ne cambia nia.
Na desfata miritada y da descmentié al plü ascvelt poscibile. L sogadus sá cara va da fa miú y cösc podarasai bel descmostré n dedemesaledema tl partida de recuper cuntra l Dietenheim/Aufhofen. L Rina sogará dales 15.30 te ciasa. Al se fajess plajëi sce valch sostegnidú ciafass l tomp da gni a se fa le tifo!!

N domënia soga l Rina dales 16.00 fora de ciasa cuntra le Valdaora.

Formaziun:
1)Huber M., 2) Facchini A., 3) Huber T., 4) Rungger HP (dal 35’ Huber M.), 5) Mellauner M., 6) Tschaffer I. (dal’ 46Filip P.), 7) Rungger M. (capitan) (dal 65’ Fidelis P.), 8) Gatterer R. (dal 41’ Costalunga T.), 9) Frenes D. (dal 85’ Rungger L.), 10) Huber D., 11) Winkler M.

 

 

SPIELER DER WOCHE
Ferdigg Andreas

Ferdigg Andreas

TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank