Scomenciamënt sënza punc. 2:1
L Rina mostra na prestaziun azetabla y se ess merité almanco n punt

Do che ara né nia jüda da soghé la pröma partida te ciasa a gauja dla tröpa nëi, á cösta domënia ince por l US Rina metü man l rode de retüda.

I ladins sa confronté cun i sogadus dl Taisten/Welsberg, na partida dagnora caraterisada da tröpes emoziuns y goi.

Ti pröms minuc  el ntrames les scuadres che se stüdia jö y ciara da nia fa fai. La partida è dër ecuilibrada. Man man che l tomp passa el spo i ghesc ladins che proa da sorantó le jüch. Nsciö saltel ince fora la pröma bona ocajiun. Na trata de Roman G. vëgn deviada con les pizes di dëic fora de porta. Püch dedo ne dá l’arbiter der malsigü nia n önescmetri plü co tler sön Daniel F.. Sëgn drucha l Rina por l vantaje y püch dedo garetera. Sön na trata da ciantun el l capitan Andreas F. che salta l plü alalt y cun n colp de cé plazé sot la traversa portel söa scuadra söl 0-1. L vantaje ne döra ndere gnanca n minut. Praticamënter cun la proscima aziun el i patruns de ciasa che avaliëia l resultat. L sogadu Gitzl M. tira na poniziun da posiziun dezentrada fora d’area, che ciafa l tru tl set lunch de porta y ne ti dá insciö degöna ocajiun a Manuel H. da paré, 1-1. Cun cösc resultat va les döes scuadres a palsé.

L secundo tomp mët man la scuadra de ciasa cun plü agresivité, mo l Rina ciafa tosc les cuntramosöres y insciö se destöda bel plan la partida. Le ritm lascia do y ocajiuns da gol nel degönes da odëi. Insciö ol ester n fal individual por scbloché l resultat y chel ti sozeda baldi al Rina. Thomas H. né nia bun da tlarí le palé fora d’area y cun na spizorada el l atacant Palagna che sëgna l 2-1 por söa scuadra. Al mancia 15 minuc ala fin y l Rina sciüra sëgn döt inant, mo les forzes ne basta nia plü por tra fora de bones ocajiuns. Le jüch vëgn se tres plü dür y al arbiter ti sciampa la partida fora dles mans. Ti ultimi minuc el ma plü püch calcio da odëi y insciö se stlüj la partida cun la devënta di patruns de ciasa. L Rina vá insciö a ciasa sonza punc y resta inant te na situaziun critica. Ince sce an á pordü ne la prestaziun nia dal döt stada negativa y an á ince odü tröpes de bones coses. N punt foss ste plü co mirité.

L Rina sogará la proscima partida en sabeda santa cuntra le US La Val. Sce ara jará da soghé sö Rina saral npormó da odëi. Nosta plata Facebook se tignará informá.

Formaziun US Rina:
1)Manuel Huber, 2) Rungger HansPeter, 3) Manuel Mellauner, 4) Facchini Alfons, 5) Thomas Huber, 6) Tschaffert Ivan (dal 80‘ Ploner Filip), 7) Huber Marco, 8) Ferdigg Daniel, 9) Gatterer Roman (dal 75‘ Rungger Michael), 10) Ferdigg Andreas (capitan) (dal 70’ Ploner Fidelis), 11) Frenes Daniel (dal’ 87 Rungger Lorenz)

Goi por l Rina:
38. minut Fredigg Andreas, 0-1

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank