Unsere Sponsoren

N punt por stlü jö n andata da descmentié

L Gais resta n nü y se porta a ciasa n punt cuntra n aversar che mostra döes müses

Savon che ma cun trëi punc el l’ocajiun da arjunje les scuadres mius posizionades y stlü jö insciö l’andata te eghes plü calmes, el i sogadus dl Rina che pëia ia dër motivá y cun vëia da fa bun. Deache l Gais ne se tëgn nia zoruch è la partida caraterisada da n jüch dür y n ritm dër alt. Insciö toma tosc l pröm gol. Klaus arlungëia na puniziun de cé, che röa avisa sura l portier ite por l 1-0 di ladins. Les ocajiuns da gol ne vëgn inant nia a mancé. Sëgn el l Gais che se mostra prigorus dan porta. Bëgn dui iadi röa i atacanc susc dan porta, intrami iadi è Michael bun da desfá les ocajiuns. Passé l tëmp de presciun el i patruns che tol indo la partida tles mans. I sogadus s’anfida da soghé y cun n bun jüch röai ince valgami gonot dan porta, l secundo gol ne toma indere nia. Tl secundo tëmp pêl che chësta sigurté de jüch sides restada te cabina. N Rina nia da conësce desche gonot odü te chësta pröma fraziun de campionat. Gnanca cun n sogadú inplü, l Gais resta in diesc por soma de amoniziun, né l Rina bugn da mëte npé jüch o ocajiuns. La tatica “alt y lunc porta sigürté” va tla braia y cun les ripartënzes di atacanc ascvelc se stënta la defenjiun de ciasa. Insciö röa l Gais dui iadi susc dan l portier Michael. L pröm iade graziëia l’arbiter n intervent da fal söl atacanc. L secundo iade è l fal indere evidënt y l önescmetri conzedü vëgn realisé a trata sogöda. Ince do l gol va l jüch inant dl medemo vërs. N Rina n gran dificolté sënza idees che è impormó bugn da sé delibré dala presciun aversara do da la secunda chërta cöcena por i aversars. Tröc se aspeta sëgn che la partida se oji, mo cösc ne sozëda nia. Impormo a püc minuc dala fin can che l Rina è bugn da fa cin passaji de fila röa David a döes de bones ocajiuns che vëgn ndere architades sö dal portier aversar. Insciö se röa la partida söl 1-1. N punt important cuntra n aversar sterch, mo che do al andamënt dla partida lascia na saú antia por l’ocajiun pordüda. L Rina stlüj insciö jö l rode de andata cun 9 punc al 10 post. Por l rode de retüda oraral ester valch nplü por arjunje l travert dla salvëza. Düc adöm cun impegn y motivaziun! FORZA RINA!

Formaziun

1.Michael Moling, 2. Michael Rungger (capitan) (dal 80’ Fidelis Ploner), 3. Matthias Winkler, 4. Alfons Facchini (dal 85’ Andreas Ferdigg), 5. Thomas Huber, 6. Lorenz Rungger (dal 85’ Filip Ploner), 7. Marco Huber, 8. Daniel Ferdigg, 9. Daniel Frenes, 10. Klaus Promberger (dal 65’ Hans Peter Rungger), 11. David Huber

Goi por l Rina:
8. minut, Klaus Pormberger, 1-0

 

 

SPIELER DER WOCHE
Frenes Daniel

Frenes Daniel

TORSCHÜTZEN
US RINA
 David

5

 Klaus

2

 Daniel Fr.

1

 Daniel Fe.

1

 Matthias

 1 

 Michael R.

1

 Andreas

1

 Roman

1



Volksbank