Unsere Sponsoren

Trëi punc d'or ala Val Badia
N gol ti basta ai ghesc, l Rina né nia bun da reagí y resta por l cuarto iade consecutif sënza devënta
Na partida imoprtanta por trames les scuadres che é da ciafé a pé dla tlasifica y adora al plü asvelt punc por se trá sö. L'derby ladin mët man cun gran sbunf. Tla pröma fasa de jüch el i patruns de ciasa che á la partida tles mans, mo ai né nia bugn da concretisé les idees de jüch che ai sá tut dant y insciö saltel ma fora valch tiro da fora d'area che ne mët l portier René nia n dificolté. Atramënter ciarera fora dal'atra pert. Al chert d'ora passa i ghesc n vantaje, mo a gauja de na dezijiun milimetrica vëgn l gol anulé dal arbiter. L palé ê jü fora dla linea de ciamp. Püch dedo fej la Val Badia miú. Lorenzini davagna l palé da na pert y l passa ite a Fontanive. Cösc dribla so defensur y cun na trata sterscia batl l portier Manuel, 0-1. Sëgn el i ghesc che ciafa confidënza y püch dedo el Alex F. che á la gran ocajiun por l dopl vantaje, mo su dan l portier el Manuel che resta davagnadú y tëgn insciö l resultat söl 0-1. Plan plan el indo i patruns de ciasa che tol l jüch tles mans, mo ocajiuns da gol el inant pücies sce nia degönes da odëi. N aziun dübe ciafa i tröc spetadus püch dan la fin dl pröm tomp da odëi. T'area el Adami Paolo che arlungia la iama y fej insciö tomé l'atacant dl Rina Klaus. Por tröc n önescmetri tler, mo l'arbiter è de n'atra minunga. Insciö va les döes scuadres cun l resultat de 0-1 te cabina a palsé. Tl secundo tomp el l Rina che alza la presciun y chir l gol dla parité. I sogadus dla Val Badia se defënn indere bun y ne conzed feter degönes ocajiuns prigoroses. Insciö passa l tomp y por l Rina vëgnel tres plü rie da passé l mür metü sö dala defenjiun aversara. L'unica ocajiun dëgna de gni anunziada á Roman. Mo so colp de cé va de püch sura porta fora. A fin partida se scalda ciamó niade les eghes. Manuel C. vëgn descgort dal ciamp por dopla amoniziun, na dezijiun banala da pert dl'arbiter y Daniel Frenes vëgn metü jö t'area da so aversar . Mo ince incösc iade stlüj l'arbiter ntrami i edli y ne conzed nia la mascima puniziun. Insciö se röa la partida söl 0-1 por la Val Badia. Da öna na pert gran ligrëza y da l'atra gran delujiun. N resultat che porta la Val Badia ndo pormez ai posc de salvëza y mët l Rina te na picia crisa olache al mancia bele da cater partides la devënta.

L Rina sogará la proscima partida en domënia dales 14.30 cuntra la scuadra de ciasa l Mareo.
La Val Badia sogará la proscima partida en domënia dales 14.30 te ciasa cuntra le Valdaora.

Formaziuns

Us Rina
1.Manuel Huber, 2. Winkler Matthias, 3. Ferdigg Daniel, 4. Mellauner Manuel (dal 85' Ploner Filip), 5. Rungger HansPeter, 6. Rungger Michael (dal 60'Gatterer Roman), 7. Huber Marco (dal 60' Ferdigg Thomas), 8. Rungger Lorenz (dal 50' Frenes Daniel), 9. Promberger Klaus, 10. Ferdigg Andreas (capitan), 11. Huber David (dal 71' Ploner Fidelis)

ACD Val Badia
1.René Ferdigg, 2. Ploner Matteo, 3. Conrater Andrea, 4. Adami Paolo (capitan), 5. Vittur Samuel, 6. Stamper Alex, 7. Felder Alex, 8. Lorenzini Gianluca, 9. Prada Gabriel, 10. Stampfer Matthias, 11. Fontanive Davide

Goi:
0-1, 19. minut, Davide Fontanive

 

 

SPIELER DER WOCHE
Frenes Daniel

Frenes Daniel

TORSCHÜTZEN
US RINA
 David

5

 Klaus

2

 Daniel Fr.

1

 Daniel Fe.

1

 Matthias

 1 

 Michael R.

1

 Andreas

1

 Roman

1



Volksbank