Unsere Sponsoren

N punt porom
Na partida da ngröm de goi y tröpes emoziuns, 3-3
La partida pëia atira ia a cënt al'ora. Bele do da dui minuc passa i patruns de ciasa n vantaje. Roman tira na puniziun da bun 30 metri che se arbassa al dërt momënt y röa insciö do l portier te porta por l 1-0. Ara ne döra nia n minut y l Rina se fej indo prigorus. David abina l palé fora d'area, se porta inant y cun na trata sëcia atocl la stangia de porta. Püch dedo toml spo l secundo gol, al è l cuarto minut soghé. Incösc iade el l Vintl che tira na puniziun cuntra porta. L palé passa inanter compagn y aversar fora y ciafa ala fin l tru te porta, 1-1. Al 15. minut passa i aversars n vantaje cun na copia identica dl pröm gol, indo è na puniziun fatala, 1-2. L Rina descmostra orenté y tol sëgn la partida tles mans, mo deplü de bones ocajiuns ne vëgn nia anüzades y insciö resta l resultat fina ala fin dl pröm tëmp söl 1-2 por i aversars. Tla secunda fraziun de jüch el i patruns de ciasa che alza ciamó niade l ritm y al 55. minut gareta l gol dla parité. Marco H. mët n aziun Andreas cun n palé che despassa la defenjun aversara, cösc dribla l portier y a porta öta pol mëte a sëgn so pröm gol sajonal, 2-2. L ritm de partida resta inant alt, les döes formaziuns se conzed püch. Al 70. minut passa i aversars indo n vantaje. L'atacant anüza n fal dla defenjiun ladina y sú dan al portier Michael mëtl te rëi l palé por l 2-3. L Rina mostra gran reaziun y avaliëia te püc minuc l resultat. David lascia pié ia na trata sterscia che l portier malsigü né nia bun da s'apié, 3-3. Tl'ultima fraziun de jüch el intrames les scuadres che chir l gol dla devënta mo chësc ne toma nia plü. Insciö se röa la partida cun l resultat iüst de 3-3.

L Rina sogara proscima domënia dales 15.30 a Rasun cuntra la scuadra de ciasa.

Formaziun:
1.Moling Michael, 2. Matthias Winkler, 3. Mellauner Manuel , 4. Huber Thomas, 5.Gatterer Roman, 6. Rungger Lorenz (dal 78' Tschaffert Ivan), 7. Huber Marco (dal 90' Comploi Marco), 8. Ferdigg Daniel (dal 83' Ploner Fidelis), 9. Ferdigg Andreas (capitan), 10. Huber David, 11. Promberger Klaus (dal 80' Ferdigg Thomas)

Goi por l Rina:
2. minut, Roman Gatterer, 1-0
55. minut, Fredigg Andreas, 2-2
73. minut, Huber David, 3-3

 

 

SPIELER DER WOCHE
Ploner Fidelis

Ploner Fidelis

TORSCHÜTZEN
US RINA
 David

 Andreas

 Dennis

 Klaus

 Lorenz

 Manfred

 Roman

 Philipp 

 David C.

 Thomas

1



Volksbank