Unsere Sponsoren

Pröms minuc fatai
Ndo degügn punc fora de ciasa, 2-1 cuntra l Sest
L’Rina pëia ia mal te partida, tröc fai banai di sogadus ladins ti dá coraje ai aversars che vëgn da deplü desfates. Insciö el i patruns de ciasa che röa bele ti pröms minuc a deplü ocajiuns da gol. Al 22. Minut mess la defenjun dl Rina ti la zede y subesc l 1-0. L’atacant aversar è bun da controllé n traversun da na pert ite y cun na trata al joré potënta mëtl l palé te porta. L Sest druch dassën inant y te deplü ocajiuns el i sogadus dl Rina che salva l resultat. Inpormo ala mesora e lince i ghesc che se descëda y mët man da soghé. Cun deplü de beles sogades röa l Rina a conclujiuns prigoroses. David y Daniel cun trates fora d’area olache l portier mess se fa lunch por tigní l resultat y cun n colp de cé de Klaus olache l portier fej n mez miraco. Te cösta fasa ses l Rina merité l gol dla parité. L discurs dl alenadú Georg ntratan la pausa porta früc. L Rina pëia ia cun gran druch tl secundo tëmp y tign l palé tla pert de ciamp aversara.  La miú ocajiuns á Daniel, söa trata da fora d’area se arbassa do l portier y atoca la traversa. L palé röa sön linea de porta y spo trat demëz dan defensur. Propi tla miú fasa dl Rina ti garetl ai aversars l secundo gol. N cuntrapé se porta i sogadus da na pert jö y cun na trata angolada tl piz lunch cambia l resultat, 2-0. I ladins ne la dá nia sö. Andreas abina l palé t’area y cun na finta se portl ite cuntra porta. L defensur è ma plü bun dal archité cun n fal. La trata dal önescmetri de David è prezisa, 2-1. L Rina proa da chirí l secundo gol, mo cuntra na defenjiun stlüta ne ciafa i sogadus degun meso por passé. L Sest aspeta ai cuntrapé y te deplü ocajiuns á i sogadus aversars l 3-1 söl pé. Michael è indere bun da tigní la porta nëta, la poscibilité de arjunje punc è ciamo via. Mo man man che l tomp passa se destöda ince chera. Hans Peter vëgn descgort dal ciamp por dopla amoniziun, lerch por cherié aziuns el pücia. Ti ultimi minuc toma npo ciamo l gol dla parité, mo Andreas vëgn sciüre zoruch dal arbiter, por n fal o posiziun de forajüch. Degügn ná capí l motiv. Insciö se röa la partida cun na desfata dër antia olache l Rina á mostré püch jüch y convinziun.

L Rina sogara la proscima partida dales 15.30 te ciasa cuntra la scuadra dl Vintl.

Formaziun:
1.Moling Michael, 2. Klaus Promberger (dal 83‘ Ploner Fidelis), 3. Facchini Alfons (dal 46’Ferdigg Andreas), 4. Huber Thomas, 5.Gatterer Roman (dal 36’ Rungger Hanspeter), 6. Rungger Michael (dal 70’ Rungger Lorenz), 7. Huber Marco (dal 79‘ Ferdigg Thomas), 8. Ferdigg Daniel, 9. Ferdigg Andreas, 10. Huber David, 11. Mellauner Manuel

Goi por l Rina:

53. minut, Huber David

 

 

SPIELER DER WOCHE
Promberger Klaus

Promberger Klaus

TORSCHÜTZEN
US RINA
 David

 Andreas

 Dennis

 Klaus

 Lorenz

 Manfred

 Roman

 Philipp 

 David C.

 Thomas

1

 Stefan R.

1



Volksbank