Unsere Sponsoren

Devënta importanta cun Olang

I trëi punc resta te mans ladines, 1-0

N ciarü fit cüra dan partida l ciamp sportif, insciö nel die nia tler sce al vëgn soghé o nia. Al dër moment se alza les niores y l arbiter pó sciüré l fisch inizial.  Ntrames les scuadres ne rischia tla pröma fasa nia tröp. De bones ocajiuns da gol el insciö pücies da odëi. L tomp passa y plan plan se daür les scuadres. Les prömes ocajiuns ti gareta ai patruns de ciasa, mo sön deplü traversuns el i atacanc che né nia bugn da deloje l palé te porta. Püch dan la fin dl pröm tomp el ince i ghesc che se lascia odëi. La miú ocajiun á l Valdaura sön poniziun da piz. Michael R. scvirgolëia l palé cuntra söa porta y cun n gran intervënt sön linea de porta salva l portier Michael M. l resultat. Tl secundo tomp ne cambia la partida nia. Les scuadres se neutralisëia öna cun l’atra, ocajiuns prigoroses nel die nia da odëi. A mesa l secundo tomp ti gareta al Rina l gol dla devënta. Cun na bela aziun ti scampa Andreas y Klaus a sü marcadus, cösc ultimo ciafa l palé al limite d’area y cun na trata prezisa tl piz lunch sëgnl so pröm gol sajonal. Sëgn el l Valdaura che alza l ritm y chir l gol dla parité. L Rina mess te cösta fasa de jüch se defëne y á ince fortüna. Bëgn dui iadi atoca i aversars cun trates fora d’area la traversa de porta. Ti ultimi minüc se equilibrëia indo l jüch y Klaus á l ocajiun por segné so secundo gol, mo la trata de ciamp è debla y massa zentrala. Insciö se röa la partida sön l 1-0 y cun trëi punc importanc por l Rina.

L Rina sogará la proscima partida bele n sabeda sera fora de ciasa  dales 18.00 cuntra la scuadra dl Sest.

Formaziun:

1.Moling Michael, 2. Klaus Promberger, 3. Facchini Alfons, 4. Huber Thomas, 5.Gatterer Roman (dal 62’ Rungger Hanspeter), 6. Rungger Michael (dal 78’ Ploner Filip), 7. Huber Marco, 8. Ferdigg Daniel, 9. Ferdigg Andreas, 10. Huber David (dal 86’ Ferdigg Thomas), 11. Rungger Lorenz (dal 54’ Mellauner Manuel)

Goi por l Rina:

67. minut, Klaus Promberger, 1-0

 

 

SPIELER DER WOCHE
Gatterer Roman

Roman

TORSCHÜTZEN
US RINA
 Andreas

 David

 Dennis

 Lorenz

 Manfred

 Roman

 Philipp 



Volksbank