Davagné cuntra dodesc è rie

L'arbiter protagonist te deplü ocajiuns penalisëia i ladins che resta sënza punc

I patruns de ciasa pëia ia bun te partida. I soagdus è dër conzentrá y sta bun te ciamp. La pröma ocajiun á Matthias. Söa trata da poniziun vëgn robatüda dal portier y n defensur è bun da trá demez l palé adora assá. L Rina se mostra püch dedo indo cun na trata da poniziun de Michael, mo l portier è bun da salvé l resultat. Odon che sü amisc da Reischach se stënta cuntra i ladins, el l'arbiter che se fej tres plü da protagonist. Prescapüch feter vigne aziun che röa te area aversara vëgn architada por n forajüch o fal imaginar. Nplü ne conzed l arbiter nia dui önescmetri por fal de man, te öna n ocajiun á l defensur les mans sura l cé y archita insciö l aziun. Ne joa döt nia. Al 36ejim passa i aversars n vantaje. L'arbiter vëiga n fal de man al limite d'area che n'è nia y conzed insciö la poniziun. Cösta el Harrasser che mët te rëi cun na trata desche n tarlí, 0-1. L Rina chir l gol dla parité y röa püch dan la fin dl pröm tëmp a söa miú ocajiun. Da na poniziun da piz el Thomas H. che atoca la traversa, i defensurs è bugn da trá demez l palé sön linia de porta.
L secundo tëmp mët man cun l Rina inant. Ara ne döra nia die y la porta di aversars tremorëia indo. Incösc iade el l capitan Andreas che atoca la traversa cun n colp de cé. Odon sü amisc sot a druch el l'arbiter che mess indo se moscedé ite. Provocan i sogadus ladins chirl na vertora por i descgorje dal ciamp. Al 63ejim toma spo l 0-2 por l Reischach. Sön poniziun, do n fal plü co dubius, mët Huber A. de cé l palé do stangia de porta ite.
L Rina alza sëgn la scuadra y proa da chirí l gol, mo feter vigne aziun vëgn architada dal mandl dal sciüre por tra fora l ritm. Insciö se destöda plan plan la partida. Por ti mëte la cherscia söla turta vëgn an minut dala fina ciamo descgort Matthias dal ciamp por soma de amoniziuns do n fal banal. La partdida se röa insciö cun na pordüda antia dl Rina, orüda bele da scomënciament partida dal diretur de gara che messas pordërt ester imparzial.

L Rina sogará la proscima partida indo te ciasa cuntra la scuadra dl Valdaora. Orar 15.30.

Formaziun por l Rina:
1)Huber M, 2)Matthias W., 3) Facchini, 4) Huber T., 5) Gatterer, 6) Michael R., 7) Ferdigg D., 8) Lorenz R., 9) Huber M., 10) Andreas F. (capitan), 11) David H.

Cambi:
63. minut, Facchini – Promberger K.
64. minut, Lorenz R. – Ferdigg T.
70. minut, David H. – Fidelis P.
83. minut, Gatterer – Filip P.

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank