Buna la pröma te ciasa

Na devënta da tröc goi miritada, 4-3 cuntra l Taisten/Welsberg

I patruns de ciasa pëia ia ambiziusc y mët atira i ghesc sot a druch. Cun valgönes de beles aziuns röai insciö ince a deplü de bones ocajiuns. Al 15. minut cambia por l pröm iade l resultat. Do na trata da piz abina David söl punt dl önescmetri l palé. Al sl archita y cun na trata prezisa batl l portier por l pröm iade, 1-0. L Rina tëgn inant alt l druch. Cun na bela sogada ti scampa l capitan Andreas a so aversar che è ma plü bun dal archité cun n fal, önescmetri. David se plazëia l palé y cun na trata prezisa tl piz è l portier por l secundo iade batü, 2-0. Cösc resultat ne tign feter gnanca n minut. Da na remetüda lungia t’area röa l atacant Burger al colp de cé, Manuel ne po nia plü intervení, 2-1. L Rina ne se lascia ndere nia mete sotisura y soga inant söa partida. Insciö toml dan l sciüre dl pröm tomp ciamo l 3-1. Frenes D. se porta da na pert jö, crossëia ite amez olache Matthias atoca cun söa trata l portier. L palé se alza y ti röa söi pisc a David che cun na gran trata al jöre mët l palé te piz lunch de porta. L terzo gol ti pröms 45 minuc por l atacant dl Rina. Di ghesc el tl pröm tomp püch da odëi. Chësc cambia tl secundo. Cun deplü cambiamënc pressëia i aversars cotan plü alc. Dandadöt sön les remetüdes y trates da piz è l’aversar prigorus. Insciö toma defata l 3-2 propi sön na remetüda. L palé vëgn prolunghé t’area olache l sogadú Appenbichler sëgna por söa scuadra. Tl 75ejim minut toma l 4-2 por l Rina. Frenes D. pressëia alt l portier aversar, chësc ti tira adoss l palé che röa insciö diretamënter te porta. Ince n chësc iade cambia l resultat tl tomp de n minut. L aversar mët na remetüda lungia t’area olache i sogadus dl Rina né nia bugn da tra demez l palé, n sogadú dl Taisten/Welsberg röa lapro y l spizorëia te rëi. Tl resto dla partida ne cambia nia plü l resultat y insciö se tëgn l Rina i trëi punc te ciasa.

Formaziun:
1)Huber M., 2) Michael R., 3) Facchini, 4) Thomas H., 5) Hans Peter R., 6) Thomas F., 7) Matthias W., 8) Marco H., 9) David H., 10) Andreas F. (capitan), 11) Frenes D.

Cambi:
Facchini-Roman G., 53.minut
Thomas F.-Dennis G., 59.minut
Michael R.-Ferdigg D., 74.minut
Frenes D.-Klaus P., 88.minut
Andreas-Fidelis P., 89.minut

Goi por l Rina:
1-0, David, 15.minut
2-0, David, 34.minut
3-1, David, 38.minut
4-2, Frenes D., 66.minut

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank