L pröm punt 2:2

Sön l rie y pice ciamp dl Dietenheim se partësc intrames les scuadres i punc 1-1

I ghesc ladins pëia ia cun gran druch. David se lascia atira odëi, mo söes trates vëgn robatüdes o va de püch dlungia porta ia. Ince Matthias á na bona ocajiun, mo söes trates vëgn architades da defensurs pustri sön la linia de porta. La miú ocajiun tl pröm tomp á David. Sön na puniziun da piz röel dassú al colp de cé, da bona posiziun y a portier oramai batü va l coran ndere dlungia stangia ia. Por l resto dl pröm tomp el les forzes che se avaliëia, intrames les scuadres chir l gol cun trates da fora d’area.

Tl secundo tomp el atira l Rina che passa n vantaje. Na gran poniziun de HansPeter röa sön stangia de porta, Matthias è l pröm söl palé y mët de cé l coran te rëi, 0-1. Por deplü dijatenziuns ne döra l vantaje gnanca 2 minuc y l resultat è indo avalié. L Dietenheim se porta da na pert jö, met l palé zoruch al sogadú Felder, che cun trata alta porta l resultat söl, 1-1. Sëgn el l Rina che perd la conzentraziun, L Dietenheim alza l ritm. Insciö röa püch dedo l atacant Brandt sú da Manuel, mo l portier ladin ti dij de no cun n gran intervent. A 10 minuc dala fin toma l 2-1 por i patruns de ciasa. L Rina né nia bun da tra demez l palé, cösc ti röa al sogadú Messner che cun na gran trata tl set da püch fora d’area porta söa scuadra n vantaje. L’alenadú Georg fej sé deplü cambi y alza la scuadra a chirí l per. Cösc gareta al 90ejim. Daniel Ferdigg, al è söa pröma partida do l’infortüne subí dan da dui agn, abina l palé a posiziun dezentrada dl area. Al sl archita y cun na gran trata propri tl set dl piz lunch cambia indo l resultat, 2-2. La partida va insciö a finí ala parité, resultat iüst por ci che intrames les scuadres á mostré.

 

Formaziun:

1)Manuel Huber, 2) Mellauner Manuel, 3) Facchini, 4) Huber T., 5) HansPeter R., 6) Michael R., 7) Winkler M., 8) Marco Huber, 9) Huber D., 10) Ferdigg Andreas (Capitan), 11) Frenes D.

Cambi:
49. minut, Facchini-Lorenz R.
75. minut, Frenes-Gatterer R.
78. minut, Winkler M.-Gasser D.
82. minut, Michael R. – Thomas F.
85. ,minut, Hans Peter R.- Ferdigg D.

Goi por l Rina:
47.minut, Winkler M.
90. minut, Ferdigg Daniel

 
TORSCHÜTZEN
US RINA
 David

9

 Andreas

6

 Daniel Fr.

2

 Klaus

2

 Matthias

 1 

 Michael R.

1

 Daniel Fe.

3

 Roman

1

 Alfons

2

 Tobias

2



Volksbank