Nia da nun fá cuntra i pröms
L Rina se bat bun mo mess ti la zede al Feldthurns 0-4

I ladins sa tut dant tröp y pëia ia bun te partida. Ai stersc atacanc di ghesc ti vëgnel conzedü pücia lerch, la partida è scialdi ecuilibrada.
Al 28ejim minut toml spo npo l gol dl vantaje por i aversars. Cun n un dui a mëzciamp ti sciampai a deplü sogadus, palé jö sön na pert olache n sogadú fej l cross t'area. Cun n gran stach de cé mët l atacant Griessmair l coran tl set dl piz lunch. N gran gol da pert dl Feldthurns. Püch dedo ess l Rina albü l ocajiun d'avalié l resultat, mo n fal tler t'area sön Manfred vën neghé dal arbiter. Insciö se stlüsc l pröm tomp söl 0-1 por i ghesc.
Tl secundo tomp el i padruns de ciasa che mess fa deplü, insciö se daür le loces por i atacanc asvelc dl Feldthurns. Cun dui goi tl tomp de trëi minuc se porta i aversars söl 0-3. Na docia frëida por l Rina.
Sön l 0-2 ciafa Griessmair n palé lunch, recuperé n fasa d'atach dl Rina, sura la defenjiun y sú dan l portier nal nia problems da mete l coran te sach. L 0-3 vëgn segné da posiziun tler n forajüch olache ntrames les scuadres y l'arbiter nstess á die da capí sce al è gol o nia.
L Rina sciüra sé döt inant y drucha te só mezciamp i aversars. Les mius ocajiuns ti gareta a Dennis cun deplü trates da na pert ite y a Manuel che colpësc da bun 30 metri la stangia de porta. Mo l Rina né nia bugn da segné, al contrar. Presciapüch ala fin sëgna l Feldthurns l gol dl 0-4 che stlüsc definitivamënter la partida.
L Rina sá dassen proé mo cuntra na scuadra tan sterscia nel ste püch da fá. Do da sis resultac positifs mess l Rina ndo lascé l ciamp sonza punc.

L Rina sogará la proscima partida la sabeda dales 16.00 fora de ciasa cuntra l San Laurënz.

Formaziun:
1)Manuel H.,2)Michael R.,3)Manuel M.,4)Manfred P., 5)Huber T.,6)Rungger L.,7)Matthias W.,8)Dennis G.,9)Frenes D.,10)Filip P., 11)Alfons F.

Cambi:
46. minut: Filip P.- Klaus P.
60. minut: Frenes D. – Fidelis P.
61. minut: Manfred P. – Roman G.

Goi:
28.minut: Griessmair 0-1
50.minut: Griessmair 0-2
53.minut: Griessmair 0-3
81.minut: Edenhauser 0-4

 
TORSCHÜTZEN
US RINA
 Klaus

9

 Andreas F.

 7 

 Manuel M.

3

 Daniel F.  

3

 Thomas H.

1

 Lorenz

1

 Filip P.

1

 Dennis

1

 Hanspeter

1

 Christian F.

1

 Matthias W.

1

 Manfred P.

1



Volksbank