Trei punc importanc

L Rina davagna la ria partida cuntra l Reischach por 0-2.

L motor dl Rina pëia bel plan ia. Do na fasa iniziala de campionat da descmuncé é l suzess da n domënia  bele l cuarto resultat positiv indolater.
La partida met man bun por i ghësc ladins. Cun la pröma bona ocajiun garetl l gol dl vantaje. Matthias se porta ite cuntra porta. L defensur mess l archité cun n fal y insciö conzed l'arbiter n önescmetri. Filip se tol sö la enciaria da trá y segna cun na trata prezisa te piz, 0-1. Tl rest dl pröm tomp plajor ven gestí l jüch ala per. Intrames les scuadres mostra de beles aziuns, bones ocajiuns da gol ne veigun ndere nia. La miú por l Rina el Filip che á; so passaje amez é ndere n defensur bun da interzeté denant che Andreas röi söl palé, n pü de egoism foss magari ste miú. L Reischach se mostra dandadöt sön puniziuns da chit, mo Manuel H. se para bun.
L secundo tomp met man cun na duscia frëida por i padruns de ciasa. Andreas oramai sciampé a sü marcadus y söl tru cuntra porta, ven archité cun n fal. L capitan dl Reischach ven nsciö descgort dal ciamp. N 11 cuntra 10 el l Rina che se tira plü zoruch, cuaji massa y cun düc i mesi proai da defene l resultat. L Reischach chir sü atacanc cun pales lunges. Al gareta ince valch ocajiun. La miú al 65. minut. Manuel H. robat na trata sön i pisc de n  atacant, cösc tira mo por fortüna atochl ma la stangia de porta. Sonza se para i ladins valgamia bun. Cun n cuntrapé püch dan la fin, stlüj l Rina l sach. Daniel F. ti scampa ai defensurs y cun na trata tl piz cört da fora d'area batl l portier.
L 0-2 por I ghesc, che é spo ince l resultat final. Na devënta importanta por la tlasifica!

Formaziun:

1)Manuel H.2)Christian F.,3)Manuel M.,4) Prombergr M.,5) Thomas H.,6) Pallestrong D., 7) Rungger L., 8) Gasser D., 9)Filip P., 10)Andreas F. (capitan), 11) Matthias W.

Cambi:
Filip P. – Daniel F., 60. Minut
Gasser D.-Rungger M., 71. Minut
Pallestrong D. – Gatterer R., 77. Minut

Goi:
7.minut, Ploner F., 0-1
88. minut, Frenes  D., 0-2

 
TORSCHÜTZEN
US RINA
 Klaus

9

 Andreas F.

 7 

 Manuel M.

3

 Daniel F.  

3

 Thomas H.

1

 Lorenz

1

 Filip P.

1

 Dennis

1

 Hanspeter

1

 Christian F.

1

 Matthias W.

1

 Manfred P.

1



Volksbank