Pröms trei punc 2:1

Na partida döra y combatöda, mo cun na devënta miritada dai ladins

I pröms minuc dla partida é caraterisá da tröp agonism. Ai spetadus ti vegnel prejenté n jüch dür cun tröc fai da ntrames les perts. L arbiter, che sciüra npü ala inglesca, desche an dij lasca ji der tröp. Mo sanben vegnel ince soghé a calcio. Intrames les scuadres é da ciafé scaldi jö insomm tlasifica, insciö vel vigne punt or. I pröms da avëi val bona ocajiun é i ghesc, mo l Rina respogn atira cherian deplü situaziuns prigoroses da palé chit. Inpó el i pustri che é bugn da segné l gol dl vantaje. N atacant controlëia n palé lunch y cun n passajé el bun da mete n aziun só compagn che röa sú dan porta. Söa trata é sigöda, Manuel é batü, 0-1. Mo desche odü tles atres partides é la orenté di sogadus de Georg grana. Dal moment dl gol, fina ala fin el ma plü i padruns de ciasa che soga. Ocajiun sön ocajiun ven creada por proé da rosedé l resultat. Ben trëi iadi el i ladins che atoca la stangia de porta y inplü el Klaus che fala n önescmetri al 52ejim. È la porta indo strinada desche bele sozedü te deplü partides incösc ann? Na incö nó, püc minuc do la falada dal punt dl önescmetri garetl l gol dla parité. Da na trata da ciantun é Thomas H. bun da se destaché da só marcadú y cun n colp de cé metl l palé te porta. Finalmonter á la rëi scassé, i sogadus ladins o deplü! Al 70ejim era spo tan inant. Klaus abina l palé sön napert de ciamp. Cun n dribbling sech fejl fora dui sogadus y se porta ite a mez cuntra porta. Söa trata prezisa de ciamp ne ti dá degöna ocajiun da paré al verdaporta aversar. L Rina á dedo ciamó deplü ocajiuns por stlü la partida. La miú röa söi pisc dl capitan Andi, che é bun da mete l palé da dui metri sura porta fora.
Insciö resta l resultat söl 2-1 y l Rina pó fimalmonter se ralegré dla pröma devënta.

L Rina sogará proscima domënia l derby de Mareo cuntra l ASC Mareo. Se aspetun en tröc ta Ciamaor dales 15.30.

 
TORSCHÜTZEN
US RINA
 Klaus

9

 Andreas F.

 7 

 Manuel M.

3

 Daniel F.  

3

 Thomas H.

1

 Lorenz

1

 Filip P.

1

 Dennis

1

 Hanspeter

1

 Christian F.

1

 Matthias W.

1

 Manfred P.

1



Volksbank