Pröm punt 2:2

Rina y l Kiens se partësc te na bela partida cun tropes emoziuns i punc

Ntrames les scuadres ne scona nia y met atira man cun n ritm der alt. Nsciö pó i tröc spetadus bele ti pröms minuc odëi n valgönes de bones aziuns da gol. Por l Kiens el l atacant Steidl che fala deplü ocajiuns. Por i padruns de ciasa el Klaus che á plü gonot l ocajiun da segné. L gol che é bele plü die tl aria toma spo al 15. minut. Cun l portier oramai batü el Andi che tira sön porta olache n defensur tin sö l palé cun les mans. Önescmetri tler y pordërt espolsiun por l sogadú dl Kiens. Mo l arbiter ne ti mostra gnanca la cherta ghela. Klaus se prejënta sön l punt dl önescmetri y spaizëia sech l verdaporta dl Kiens, 1-0. Do l gol el l Rina che á söa miú fasa. Cun de beles aziuns é i sogadus bugn da chërié ngröm de ocajiuns, che ne ciafa ndere nia so travert. Püch dan la fin dl pröm tomp toml spo l gol dla parité. N tiro da fora de area ven devié da n defensur, che ne ti dá nsciö degöna ocajiun da paré al portier Manuel. Tl secundo tomp el les forzes che se ecuilibrëia ndo. La partida é tres ciamo a ritm alt y rica de ocajiuns da ntrames les perts. Öna na persona né ndere nia a öna cun l resultat, l' arbiter. A boc el feter tler che al á valch cuntra na devënta ladina. Insciö ne scürel nia dui önescmetri tlers. Un sön Andi y l ater sön Lorenz. Cösc ultimo ven cinamai desgort dal ciamp por simulaziun. Ince n'aziun olache Andi á l'ocajiun da ji sú contra porta ven tignida zoruch por n forajüch imaginar. Cun i pugns te gofa el l Rina che proa nnant da chirí l secundo gol. Cösc gareta al 86. minut. Thomas F. recuperëia n palé a mezciamp y l soga bas fora sön na pert a Klaus, cösc met l palé amez olache Andi é tl dërt post por mete la coghera te sach, 2-1. N beliscimo gol dl Rina. Püch dedo garetl ince l 3-1. L portier da Kiens né nia bun da se tigní na puniziun de Hans Peter, Andi é asvelt y spizorëia l palé te porta dan che l portier l ai tles mans. L' arbiter ne conzed ndere nia l gol y sciüra fal sön l portier. Presciapüch tla medema aziun sozedl l medemo te area ladina. Manuel ven fora sön l palé y n atacant ti salta ite adoss cun la iama danfora. Ncösc iade lasca l arbiter ji nnant l jüch. Sön la remetüda da na pert el l Kiens che segna so secundo gol. La partida se röa insciö sön l 2-2. Por les cumbiné frisch dötes el l arbiter che se npormet cinamai da sté n valch ora do partida te local da se müdé di aversars a se bere na birra o l atra cun sü amisc. Na parejada dala saú antia, condizionada dan comportamënt dl arbiter inazetabl.

Formaziun:
1)Manuel H.,2)Michael R.,3)Facchini,4)Promberger M.,5)Rungger HP,6)Rungger L.,7)Andreas F.,8)Mellauner M.,9)Promberger K.,10)Frenes D., 11) Winkler M.

Cambi:
64. minut: Mellauner-Comploj M.
76. minut: Frenes D.-Ferdigg T.
90. minut: Promberger K.-Gatterer

Goi:
15.minut: Promberger K. 1-0
37.minut: Messner G. 1-1
86. minut: Ferdigg A. 2-1
94. minut: Wierer G. 2-2

Cherta cöcena:
76. minut: Rungger L.

 
TORSCHÜTZEN
US RINA
 Klaus

9

 Andreas F.

 7 

 Manuel M.

3

 Daniel F.  

3

 Thomas H.

1

 Lorenz

1

 Filip P.

1

 Dennis

1

 Hanspeter

1

 Christian F.

1

 Matthias W.

1

 Manfred P.

1



Volksbank