L Rina davagna l Derby 2:1
En domenia el gnü soghé l derby dal Comun de Mareo. La situaziun te tabela è por les döes scuadres der desvalia. Deperpo che l Mareo adora vigne punt por arjunje al plü asvelt la salveza, ti tign na deventa al Rina la porta daverta por l secundo post y insciö al ocajiun de promoziun te 1. Categoria. Cösta desferonza ne indere nia da odei te ciamp. Le Mareo met man bun la partida y proa cun de bones aziuns da segné l gol dl vantaje, che gareta defata. Thomas C. tira na pala lungia cuntra porta, l portier Manuel ne sla veiga nia da gni fora y ti dá insciö la poscibilité al atacant Lukas da roé pro la pala. Cösc ne ponsa nia die sura y la met tal piz lunch por l 0-1. Pro cösta aziun el Lukas che se fej mé, l alenadú Marco tol ite so post. Dl Rina el te cösta fraziun de jüch  püch da odei. Al ne gareta feter nia, insciö è l alenadú Georg sforzé da fá bele do da 30 minuc 2 cambi. I dui sogadus Hans Peter y Filip, che ne se ste bele dan partida nia cis bugn, vegn sostituis da Ivan y Michael.
L Rina proa se da scampé plü iadi n cuntrapé, aziuns prigoroses ne garetl nia. La miú ocajiun tl pröm tomp á ciamó l Mareo, mo l portier Manuel ti dij de nó ala trata de Marco M.. Insciö se röa la pröma fraziun de jüch sön l 0-1 por i ghesc.
L discurs dl alenadú Georg a sü sogadus intratan la pausa porta früc. Tl secundo tomp el i padruns de ciasa che mostra n atra müsa y met man da soghé desche ai sá. Bele püch secunc do l scomenciament dl secundo tomp el Merch che mess intervení sön na trata de David. L gol dla parité è tl aria. Cösc toma spo te na manira enpü coriosa. Do da na batüda da ciantun el l’arbiter che ti conzed n önescmetri al Rina. Na dezijiun nia der da capí, por sogadus y sostignadus dl Mareo y dl Rina. David surantol la inciaria da trá y spiazeia Merk portan söa scuadra sön la parité 1-1. L resultat cambia tosc indo. Ma dui minuc dedo va la scuadra de ciasa n vantajé cun n gran gol. L atacant asvelt David sciampa da na pert jö y met l coran bas zoruch te area. Manuel röa sön la palla y cun na bela trata sterscia y angolada batel l portier Merch. L Rina oj te püc minuc l resultat, 2-1. L Mareo ne la dá nia sö y püch dedo el Marco che á na gran ocajiun. Al ciafa n passajé da Robert K. che l met sú dan porta. Mo ince incösc iade ti dij Manuel cun na grandiscima parada de no. Dedo el la partida che ne se met nia bun por i padruns de ciasa. David ciafa la secunda ghela y mess insciö lascé l ciamp. Daniel Ferdigg se fej mé al jenedl pro en contrast (al né nia ciamo tler, mo do da les prömes vijites pele che al sai scarzé i legamenti crociati, ti augurun döt l bun y chi podunse tosc ndo l odei te ciamp). Insciö resta l Rina n 9 sogadus. L Mareo proa ti ultimi minuc da chirí l secundo gol, mo la defenjiun dl Rina se para bun y ne conzed plü degöna aziun prigorosa.

Por intrames les scuadres nel ciamó nia de pordü, te cöstes ultimes döes partides pol sozede de döt, sperun bun por intrames les scuadres ladines.

Goi:

15. Minut, Lukas Hochwieser, 0-1
57. Minut, Huber David, 1-1
59. Minut, Mellauner Manuel, 2-1

Chertes cöcenes:
65. Minut Huber David

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank