L Taisten ti fej la gambarela al Rina 1:0
La scuadra dl Col dla Vedla se lasca scampé na bona ocajiun por resté a trei punc dal secundo post.
Ntrames les scuadres met man la partida ciaran da nia se ciafé n gol. La pröma bona ocajiun ti gareta ai ghesc cun n tiro da fora d’area de David che röa ndere sura porta fora. An conesc che la partida da in mercui de copa provinzala, olache l Rina á soghé cuntra l Maran á costé n gröm de forzes. Tröpes ocajiuns ne garetl tl pröm tomp nia. I padruns de ciasa dl Taisten ess cun döes de bones ocajiuns podü porté l resultat sön l 1-0. Mo l portier Luca è bun da intervení y da salvé l per. 
Tl secundo tomp el l Rina che dá deplü y proa da chirí l gol dl vantaje. Mo cuntra la bona defenjiun dl Taisten nesun n cösta domenia nia bugn da ciafé n meso por segné. La miú ocajiun va sön l cunt de Andreas. Al ciafa la pala a mesa area, se oj, mo so tiro sterch röa sön la stangia de porta che robat la palla indo zoruch te ciamp. Ara no nia ester. Insciö vara desche ara vá. Ti ultimi minuc ti vegnel conzedü n önescmetri al Taisten do n fal de Alfons. L sogadú aversar ne pordona nia y segna l 1-0. L Rina proa ala fin ciamó da chirí l per, che ne gareta nia plü. 
L Rina sogará in cösta domenia l Derby cuntra l Mareo. I oressun invié düc canc a gní a ciaré cösta partida dagnora der plajora.
I complimonc oress l US Rina ince ti fá al ACD Val Badia che sa aiudiché bele 4 partides dala fin l titul de so campionat y implü arjunt la finala dla copa provinzala! Ti augurun döt l bun!! Brai!!!

Formaziun dl Us Rina:
1)Promberger L. 2)Promberger M.,3) Rungger L.,4) Facchini, 5) Huber T., 6) Rungger HP., 7) Tschaffert, 8) Mellauner, 9) Ferdigg D., 10) Huber D., 11) Ferdigg A.

Cambi:
46. Minut:  Gatterer – Promberger M.
60. Minut: Ploner F.– Tschaffert
67. Minut: Frenes D. – Rungger L.

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank