L Rina bat i pröms n tlasifica 4:2
Do la stleta partida sö Terenten y la partida in mercui a Maran ti aspetâ in domenia ai sogadus de Georg la proscima ria partida cuntra i pröms tlasificá y bona scuadra da Valdaora.
Miú co insciö ne pó la partida por i padruns de ciasa nia piè ia. Ti pröms diesc minuc esai bugn da segnè 2 goi. Ntrami de cè. L pröm ven segnè dal neo-tata Andy, do n cross y l secundo da Manfred do na puniziun da ciantun. N boniscimo start por l Rina. L Valdaora proa dedô da detè l jüch y cun sü bugn sogadus dant esai ince bugn da cheriè n valgönes aziuns prigoroses. Les mius ocajiuns á ndere l Rina, ben dui iadi è l atacant ascvelt David bun da ti scampè ai defensurs, mo intrami i iadi nel nia bun da mete l coran te porta por l 3-0. Gol falè, gol ciafè! Al 35 Minut ti gareta al Valdaora l 2-1. N sogadú arlungeia la palla de cè, n sò compagn röa lapró y segna. L pröm tomp se röa sön l 2-1. Tl secundo tomp el i ghesc che ven cun n gran scbunf fora de cabina y proa da chiri l gol dla paritè. L Rina mess dassen se parè y te n valgönes ocajiuns pon ti di Dilan a la stangia de porta. Desche ndant el ince sè, gol falè, gol ciafè. Tla proscima ocajiun è David bun da segnè l 3-1. N cross da pert de Filip el bun da piazè te piz de porta. Püc minuc dedo el Daniel F. che stlüsc dl döt l sach. David tira na puniziun, la palla ven deviada dala bariera y röa sön i pisc de Daniel che ne ponsa nia sura dui iadi y la met te rei por l 4-1. Sen el l druch da pert di ghesc che lasca dassen dô y l Rina pó soghè plü saurí, cherien ince n valgönes ocajiuns da gol. L partida ne se stlüj ndere nia jö bun por i padruns, Manuel y Michael ven scürá fora de ciamp y nplü è i ghesc ciamó bugn da segnè l gol dl 4-2. Impó pon dí cal è na gran sodiscfaziun da bate i pröms n tlasifica, che ná tl rode de retüda ciamó pordü degöna partida.

Formaziun: Manuel, Manfred, Alfons, Thomas H., HansPeter, Ivan, Daniel F., Lorenz, David, Mellauner, Andreas

Cambi:
46. Minut, Andreas - Filip
60. Minut, Lorenz - Frenes D.
80. Minut, Ivan - Michael

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank