Borta pordüda por l’ Rina 2:1
En sabeda á l Rina messü se moseré cuntra la scuadra da Terenten. Na partida da descmuncé por i sogadus ladins che sá dassen stonté da creié jüch y aziuns prigoroses. Impó el la partida che ne met nia man mal. Soghé vegnel scaldi tla metaciamp aversara. Insciö gareta al 29 minut l gol dl 0-1. Na trata sön porta ven robatüda dal portier aversar, Andi è l plü ascvelt sön la pala y la met te sach. Püch dedo el Andi che mess lascé l ciamp por na borta bota al jenedl. Por el vegnel ite l jonn Marco E.. Tl resto dl pröm tomp ne sozedl sonza nia tröp. Intrames les scuadres ná feter degönes ocajiuns da gol. Tl secundo tomp el l Rina che lascia ciamó plü do. Al ne gareta feter plü nia. Insciö segna l Terenten al 72 minut l gol dla parité sön rigore. N valch minuc dala fin è i sogadus de ciasa cinamai bugn da segné l secundo y porta insciö l resultat sön l 2-1. N gol indere irregolar deache n sogadú peia ia de cotan n  forajüch, Hanspeter è bun da ti roé do y da se davagné la pala, mo ven sciüré ia por tera. Insciö resta i sogadus da Terenten susc dan porta. Na dezijiun che fej der mé, mo inpó ne pon nia ti dé la colpa al arbiter. L Rina ne sá incö nia merité da davagné. Ala fin dla partida el ince ciamó Marco che se fej mé y mess gni condüt demez cun l’ ambulanza. Ti aodun döt l bun y che i l’ odunse tosc ndo sön ciamp. Incö nara nia orü ester.

L’ edema va por l Rina bele en dedemesaledema indo inant olache an jará a Maran por se soghé l pröm rode dla semifinala de copa. Do da n sabeda el düc che o proé de fa da mí y da fa bun resultat.
Forza Rina!

Formaziun:
1)Huber M., 2) Promberger M., 3) Facchini, 4) Huber T., 5) Rungger HP, 6) Rungger L., 7) Tschaffert, 8) Ploner, 9) Ferdigg A., 10) Huber D., 11) Mellauner

Cambi:
35. Minut, Ferdigg A. – Marco E.
75. Minut, Rungger L. – Gatterer
80. Minut, Ploner – Frenes D. 

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank