Dui punc scincá 1:1
N cösta domenia el gnü soghé l derby de Börz cuntra i vijins de suramunt da Funes.
La partida met man bun por l Rina, che deteia l jüch. Cun de beles sogades è i sogadus de ciasa gonot bugn da roé prigorusc dan porta y insciö pon do da püc minuc bele cumpedé n valgönes de bones aziuns da gol. La miú ti gareta a Daniel Frenes, mo su dan porta öta nel nia bun da scbürlé le palé sura linia de porta. Al 19 minut el Daniel che se fej ndo pordené y do n so cross t’ area garetl l 1-0 por i padruns de ciasa. N defensur aversar proa da tra demez le palé mo l devieia avisa te porta. Do l gol el l Rina che proa nnant de anüzé l bun moment y de segné l secundo gol che metes l resultat bele plü al sigü. Al 34 minut el spo n sogadu dl Funes che se ciafa la secunda ghela y insciö messl lascé l ciamp. Da dí el che l’ arbiter a na man der löcra incer partí fora chertes y por pice vigne fal y gonot ince por morveia de intrames les scuadres el gnü amoní sogadus. La partida va inant y do valch ocajiuns né l Rina nia bugn da segné l secundo gol che stlüjess feter la partida. Inpó pon dí che l pröm tomp è sté l miú soghé te cösc rode de retüda dapert dl Rina. 
Tl secundo tomp el i padruns de ciasa che ne soga nia plü tan sogüsc co tl pröm, insciö el i ghesc che ciafa tres plü convinziun de podei arjunje ciamó valch. Cösc ti gareta al 53 minut. La defenjiun de ciasa se lascia scampé n sogadú aversar y cun n tiro da fora d’ area piazé te piz el bun da bater l portier Manuel, che á fina danló albü püch da fá.
Sen el ince indo l Rina che se desceda. I aversars ven drucá ite te söa metaciamp. I padruns é da sé fina ala fin dla partida bugn da cherié 6-7 ocajiuns da gol, dui iadi cun Alfons de cé y cun döes trates  t’ area che ven bloccades o che va de püch dlungia ia, dui iadi cun de bones poniziuns da pert de Hans Peter y cun l’ atacant Andi che fej tres tremoré la defenjun aversara. La miú ocajiun che porta ince l früt dl gol ti gareta ndere a Daniel Ferdigg. Ivan tira sön porta, l portier né nia bun da se tigni la coghera y insciö segna Daniel. L arbiter veiga indere n forajüch inesistent, che ti fej nia ma ai sogadus y sostegnidus dl Rina de morveia. Sön cösc el Daniel che se lascia sö y protesteia por l gol nia dé. L arbiter ti mostra la cherta cöcena y l Rina resta n diesc. Mo desche dit, l jüch ne cambia nia tröp y tl resto dl secundo tomp el i padruns che assedieia l’ area di aversars y proa da chirí l gol dla vittoria che ne gareta ndere nia plü. 

Dui punc pordüs che fej dassen mé, odon che cun dui punc nplü essun feter arjunt les döes prömes tlassificades Valdaora y Rasun.

Formaziun dl Us Rina:
1)Manuel H., 2)Promberger M.,3) Rungger HP.,4) Facchini, 5) Huber T., 6) Rungger L., 7) Tschaffert, 8) Gatterer, 9) Ferdigg D., 10) Frenes., 11) Ferdigg A.

Cambi:
49. Minut: Rungger M. – Gatterer
57. Minut: Pallestrong – Frenes
63. Minut: Ellecosta M. – Promberger M.

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank