Na bona edema por l US Rina 
Do che an s'â agiudiché n sabeda dan Pasca i trei punc cuntra la scuadra da Franzensfeste é l‘ edema jöda inant n mercui. L Rina s á metü sön l lunch trú cina a Dorf Tirol por ji a soghé la partida de retüda dla competiziun de copa. Cösta partida importanta é l’ Rina stá bugn da davagné por 1-0 y sá insciö agiudiché n post pro les ultimes cater scuadres. La semifinal gnará sogada cuntra la scuadra dl Maran. Na gran sodisfaziun por l sport a palé dl Rina che n'é ciamó mai roá tan inant de copa. In cösta domenia sá spo stlüt jö l’ edema cun la partida cuntra l Gais. L Rina á bele da meter man i aversars sot a control y proa da ji n vantaje. La miú ocajiun ti gareta a Andi, mo so colp de cé da püc metri ti röa avisa tles mans al portier. La partida cambia spo npü al 34. minut. Manuel ciafa la secunda ghela y mess insciö lascé l ciamp. Sot al cialt che nos jont de munt ne sun sanben nia ciamó der ausá da sontí, el insciö l Rina che se tira plü zoruch y proa cun i atacanc ascvelc David y Andres da sciampé n cuntrapé. Cösc gareta spo avisa tl secundo tomp. Andreas arlungia na palla de cé, David é bun da ti sciampé al defensur, su dan l portier restl frëit y l bat cun na trata plazada. I aversars che delüj sü sostegnidus, ne gnaca s'é bugn da reagí y insciö el i ghesc che se fej inant y segna l secundo gol. L portier va a öt sön n cross de David y da posiziun feter imposcibla é Roman bun da mete la coghera te sach. Pormó sé el l Gais che proa da se mostré y manacia l gol cun na bona poniziun de Lanz. Ala fin el ciamó iniade l'arbiter che mess mostré chi che comana te ciamp partion ciamó fora na cherta cöcena an sogadu dl Gais y desche al ne bastass nia se inventl n fal dal önescmetri por i padruns de ciasa. N aversar y Manfred va intrami sö de cé, l defensur dl Rina se ciafa n comedun tla mesüa y resta ia por tera, l aversar lea sö a se scusé, mo por morvëia de düc el l arbiter che sciüra fal por l atacant. Insciö se stlüsc jö la partida cun l gol dl 2-1. 
Na partida che ti á cösté tröp sforz ai sogadus dl Rina, mo che é ince gnüda davagnada miritadamenter.

Formaziun dl US Rina:
1)Huber M., 2) Promberger M., 3) Facchini, 4) Rungger HP, 5) Huber T., 6) Rungger L., 7) Tschaffert, 8) Mellauner M., 9) Promberger K., 10) Ferdigg A., 11) Huber D.

Cambi:
65. minut: Promberger K. – Ploner 
75. minut: Ferdigg A. – Gatterer R.
85. minut: Rungger HP – Ferdigg Christof

Goi:
70. minut : Huber D., 0-1
81. minut : Gatterer R., 0-2
90. minut: Lanz, 1-2

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank