I üs da Pasca resta te ciasa 4:2
N sabeda de Pasca el l Rina che á messü se moseré cuntra la scuadra dl Franzensfeste. Na partida der combatöda, cun ala fin n risultat bindebo tler por i ladins. Al meter man dla partida el ntrames les scuadres che se stüdia jö y ciara da nia ji n scvantaje. Les prömes bones ocajiuns gareta cun Andi che te püc minuc ess albü döes de oportunites da porté söa scuadra n vantaje, mo por scfortüna ne garetl nia l gol. Ala terza ocajiun é Andi spo plü freit y cun n bel palonet sura l portier fora el bun da mete la coghera te sach. 1-0 por l Rina. Ara ne döra nia die y fora dl sarënch toml l gol dla parité. L arbiter ti conzed ai ghesc n önescmetri der discuté. L atacant ne se lasca nia to l ocajiun y trasformeia l fal dal punt amesa area, 1-1. L prom tomp se röa cun l secundo gol por l Franzensfeste. Na dijatenziun castieia la scuadra de ciasa y nsciö se röa la pröma fraziun dla partida sön l 1-2 por I ghesc. L secundo tomp met man cun n jüch cotan plü dür da ntrames les perts, nsciö el l arbiter che mess partí fora n valgönes chertes gheles. L Rina proa se de arjunjer la parité y de oje la partida. Cösc gareta al 70. Minut. Andi realiseia so secundo gol , baton l portier cun n bel colp de cé tl piz lunch, 2-2. L Rina ciafa se animo y drucha dassen deperpo che I ghesc Ciara de se pare cun ince valch fal grô. L arbiter mess nsciö ben por dui iadi tra for a la cherta cöcena y paré dui sogadus aversars for a de campo (78. Minut y 89. Minut). L Rina á nsciö jüch saurí  y cun na bela dopietta de Klaus é la scuadra de Georg bona da mete l risultat al sigü y se davagné insciö i trei punc miritá.

Formaziun:
1)Huber M., 2)Promberger M., 3) Facchini, 4) Rungger HP, 5) Huber T., 6) Rungger L., 7) Mellauner M., 8) Ferdigg D., 9) Ferdigg A., 10) Tschaffert, 11) Huber D.

Cambi:
46. Minut: Rungger L. – Ploner F.
71. Minut: Promberger M. – Promberger K.
78. Minut: Tschaffert – Gatterer R.

Goi:
1-0 Ferdigg A. – 27. Minut
1-1 – 32. Minut
1-2 – 45. Minut
2-2 Ferdigg A. -  70. Minut
3-2 – Promberger K. -76. Minut
4-2 – Promberger K. – 85. Minut

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank