L Rina met man bun l ritorno de campionat 2-1

N cösta domenia al metü man l ritorno dl campionat 2015/16 y la scuadra dl Rina a messü se mete söl tru por la trasferta plü lungia che è gnöda sogada a Stange tl Ridnauntal. Do la bona partida de copa, sogada n edema denant cuntra l Dorf Tirol, resultat 1-1, sa la scuadra dl alenadú Georg tut dant tröp por cösta domenia y ê convinti de fa bun resultat. La partida met ndere man atramonter co l’ aspetativa di sogadus y sostegnidus dl Rina. La scuadra de ciasa proa da fa jüch, se stonta ndere de passé la defenjun ladina, che se para bun. L Rina aspeta i aversars y chir da sciampé n contrapé. De bones ocajiuns garetl cun David y l capitan Lorenz. I tiri de ntrami da fora d’ area va ma de püch dlungia porta ia. Tl secundo tomp el l Ridnaun che proa de deté nnant l jüch y è sen ince bugn de creé valch ocajiun prigorosa. L sforz di sogadus de ciasa ven premié al 49. minut cun l gol de Kerschbamer. L’ atacant abina la palla a mesa area y è bun de mete l coran te rei por l 1-0. Do l gol el l Rina che descmostra na gran reaziun y chir l pareggio. Cösc gareta al 63. minut. Manuel  abina la palla al limite d’ area y cun n bel tiro tl piz lunch el bun da bater l portier  aversar. N bel gol de Manuel che descmostra de ester n gran forma. Sen el ma plü i ghesc che soga y druca dassen por l secundo gol. Al 74. minut era spo tan iinant. Al ti ven passé la palla a Filip, cun n bel gran tiro a ota el bun da oje la palla do palo ite. L 1-2 por l Rina. La bona preparaziun dl invern che á bele metü man dan da 7 edemes se lascia sen odei. I sogadus de ciasa pê chic, l Rina á ciamo condiziun da vene. Nsciö garetl ince ciamo valch ocajiun. La miú ven sogada fora da Filip y David, ultimo ne ndere por püch nia bun da mete la palla te porta. Ala fin dla partida el l Ridnaun che proa ciamó de chirí l secundo gol y de se davagne n punto, mo la scuadra dl Rina ne npormet nia plü gran ocajiuns y se defen bun.
Nsciö gareta la revanche por la partida d’ andata jöda a perde por 2-1. N bun scomenciamont che npormet bun!!

Formaziun dl Us Rina:
1)Manuel H., 2)Promberger M.,3) Rungger M.,4) Facchini, 5) Huber T., 6) Rungger L., 7) Tschaffert, 8) Mellauner, 9) Ferdigg D., 10) Huber D., 11) Ferdigg A.

Cambi:
23. Minut: Rungger M. – Gatterer
50. Minut: Rungger L. – Ploner F.
82. Minut: Ferdigg Christof- Mellauner 

 
TORSCHÜTZEN
US RINA
 David

19

 Andreas

6

 Andreas

5

 Daniel F.

3

 Manuel M.

2

 Daniel Frenes

2

 Manfred P.

2

 Filip P.

1

 Roman G.

1

 Hanspeter

1

 Michael R.

1

 Ferdigg C.

1



Volksbank