Unsere Sponsoren

Plöia de goi

Le Rina dominёia cuntra la scuadra da Raas y se porta a ciasa trёi punc importanc.
Tla sesta partida de campionat soga le Rina te ciasa cuntra i aversars da Raas. I ladins mёss ciaré de mantigní la boniscima forma cun chёra che ai á metü man chёsta ota le campionat. Atramёnter co tles ultimes trёi partides, mёt i partuns de ciasa in chёsc iade man la partida miú co i averars. Le druch inizial cun valgönes gran ocajiuns da segné lascia dô cun le passé dl pröm tёmp, che se stlüj jö zёnza goi y cun püces aziuns emozionantes.
A n pröm tёmp bindebo calm ti respogn na secunda pert de jüch che ne sará nia saorida da se desmentié. Dantadöt l'inserimёnt de Daniel F. y Andreas F. rodosa la partida. Do da püc menüc de jüch röia Andreas F. bel su dan le portir, olache al vёgn destenü da n defensur aversar. L'arbiter ne bazilёia nia y conzed la mascima puniziun. A la trá vá David H., che ne atoca indere nia la porta. Mo ara ne döra nia di che avisa David H. remediёia, tirán fora n ater önescmetri por la scuadra da Rina. Chёsc iade él Daniel F. che se prejentёia dan le portir aversar. Süa trata de prezijiun porta le Rina sön le 1-0. Do le gol él scialdi le Rina che controlёia le palé, aspetán de podёi indô ti fá me al aversar. Diesc menüc dedô radoplёia spo i ladins le vantaje: David se delibrёia da na schira de aversars y lascia pié ia n missil che porta le Rina sön le 2-0. I patruns de ciasa é oramai l'unica scuadra sön le terac de jüch y ne desmostra degöna misericordia ti confrunc di ghesć. Püch do le gol dl 2-0 mёt Alfons F. n gran palé tl zёnter dl area, olache le portir salta le plü alalt de düc por l'abiné y le paré demez. Mo apёna defora da l'area él David H. che aspeta le palé y le mёt tl indemo ciantun da denant atocán le palé cun na gran coordinaziun. Mo a segné le secundo gol personal ne él nia ma David H. incö. Defata do le 3-0 ciafa le Rina na trata dal ciantun, che Daniel F. vá a trá cun so pe "debl". Al ne se fej indere nia tröp adinfora y atoca le spidl dla porta diretamёnter dal ciantun, lascián le portir a mans ötes. Tl püch tёmp che resta proa i ladins plücoater da fá rodé le palé y da evité goi, cun la defenjiun dl Rina che fej indô n iade n boniscimo laur.
Do da trёi partides salvades ti ultims menüc, desmostra le Rina de savёi da soghé ince bele dal pröm menüt inant. L'imbatibilité di ladins vá insciö inant: n bun mёteman porta le Rina al terzo post te campionat cun bёgn 11 punc do da 6 partides. (dc)


Ci spetacul!

Ti ultims diesc menüc de jüch ti é le Rina da rosedé le resultat y da se porté insciö a ciasa la secunda devёnta indolater.
Le Rina soga la cuarta partida de campionat te ciasa cuntra i aversars da Dietenheim. Che al ne sará nia na partida saorida capёsciun bele dal pröm menüt inant. La pert iniziala dla partida vёgn dominada dai ghesć, che controlёia le jüch por la maiú pert dl pröm tёmp. I ladins indere se fej dёr ert da controlé le palé, y ti lascia tröpa lerch ai aversars dantadöt tl zёnter dl ciamp, olache i ghesć desmostra de ester suracé. Mo la defenjiun da Rina y spezialmёnter le portir Manuel H. fej mirachi por mantigní le resultat de parité. I patruns de ciasa ne á indere tan co degönes ocajiuns concretes tl pröm tёmp, che se stlüj jö zёnza goi.
Avisa sciöche l'ultima edema cuntra Neustift arsёsc tl secundo tёmp döt n atra scuadra sön le terac de jüch. Dal pröm menüt inant dominёia le Rina le jüch y röia tres plü pormez al gol dl vantaje. Cun l'inserimёnt de forzes frёsches soga le Rina n boniscimo jüch y se desmostra defata al altёza di aversars. Les maius ocajiun ti gareta a David H., le palé ne ó indere nia jí te porta. Na grandiscima prestaziun da pert dl portir aversar ti neghёia le gol al Rina cina a püc menüc dal sciüre final. A n chert d'ora dala fin vёgn Andreas F. mazé jö t'area, l'arbiter ne sciüra indere nia y lascia madёr soghé inant. Sön chёsta saltel fora n gran nervosism te ciamp y n pice arbassamёnt de conzentraziun che ti costa bele demassa ai ladins. I ghesć s'un aprofitёia dl'ocajiun y se porta in vantaje cun la süa unica ocajiun da gol dl secundo tёmp. Sön na tara mёt la formaziun de ciasa indô man da funzioné. Ara ne döra nia di che l'atacant dl Rina Andreas F. mёt a sёgn le gol dla parité cun na trata de ce sön na puniziun da dalunc. Do le gol aumentёia i ladins ciamo n iade le druch y se porta in vantaje dui menüc dedô: Andreas F. dribelnёia l'ultim defensur aversar cun n movimёnt da paridlé cun chёl de Messi cuntra Boateng in ocajiun de un di goi plü iconics di ultimi agn, y dassu dan le portir mёt le palé tl ciantun bas, portán le Rina in vantaje al 83' menüt de jüch. Ti menüc che resta ne sozedel nia plü tröp, cina che l'arbiter porta a piz la partida cun le sciüre final.
Nia da crёie: ciamo n iade ti é la formaziun da Rina, por la secunda partida indolater, da se refá te püc menüc do da n gol subí y da se porté insciö a ciasa trёi punc de gran valüta. I ladins é incomá al cuinto post cun 7 punc do da 4 partides. (dc)

Rina-Dietenheim 2-1


 

 

Volksbank