Unsere Sponsoren

Da se desmentié
Gnanca cuntra i ultimi te classfica ne é i ladins bugn da davagné.
Tla penultima partida de campionat él le Rina che soga te ciasa cuntra la formaziun da San Iöre, ultims te classifica. I ladins mёt man la partida cun na gran calma y comana le jüch por la maiú pert dl pröm tёmp. Ocajiuns da segné ne garetel indere sön trames les perts cina a püc menüc dala fin dl pröm tёmp nia. A püc menüc dala fin á i ghesć spo na grandiscima ocajiun da jí in vantaje, mo le portir dl Rina Giovanni E. salva le resultat cun na gran parada. Püch dedô röia le San Iöre ciamo n iade dan porta, mo ciamo n iade él Giovanni che tёgn sö l'atacant di aversars. Le palé resta indere tles vijinanzes dla porta olache n defensur dl Rina pro da le tra demez, mo ne atoca nia le palé y ti scinca insciö ai aversars le vantaje. Ti ultims menüc de jüch por le Rina dassёnn da avalié le resultat, mo ara ne ó nia ester.

Tl secundo tёmp mёt le Rina man cun n bel jüch, mo i aversars é bugn da se defёnne y ti conzed dёr pücia lerch ai patruns de ciasa. L'inserimёnt de forzes nöies porta le Rina deplü iadi daimpró al vantaje, mo sciöche bele tl pröm tёmp, falera dёr dassёnn tla fasa de concretisaziun. Tl miú momёnt de jüch di ladins suzedel spo le fal che cambia la partida. Sön na trata dl portir él n sogadú dl Rina che atoca mal le palé y le tira cun le cé tla direziun falada. L'atacant di ghesć é plü asvelt co la defenjiun y mёt le palé te porta, portan i aversars sön le 2-0. Tl püch tёmp che romagn pro i ladins ciamo da se refá, mo le San Iöre pёnsa madёr plü a defёnne y stlüj insciö vigni lerch. Na gran ocajiun da segné por Klaus P. vёgn tignida sö dal arbiter por na posiziun de foradejüch. Tla pert finala se svilupёiel n bur nervosism te ciamp che ti la fej ciamo plü ria ala scuadra da Rina.
Ci delujiun! Gnanca cuntra i ultims te classifica ne ti é le Rina da davagné. Tla ultima partida mёss i ladins ciaré da stlü le campionat cun na devёnta, che mancia oramai da n gröm de partides. Insciö resta le Rina al sesto post cun 23 punc. (dc)

Rina-San Iöre 0-2

Formaziun: 1) Giovanni Erlacher, 2) Stefan Rungger, 3) Elias Gasser, 4) Lorenz Rungger (dal 46' Manfred Promberger), 5) Roman Gatterer, 6) Filip Ploner (dal 64' David Clara), 7) Michael Rungger, 8) Thomas Huber, 9) Fidelis Ploner, 10) David Huber, 11) Klaus Promberger

Alenadú: Karlheinz Pedevilla

Proscima partida: Rina-Uttenheim, domёnia ai 26 de ma dales 16:00 a Rina

 

Volksbank